ამერიკის შეერთებულ შტატებში რეკორდული ჯეკპოტის გამარჯვებული გამოავლინეს. 590 მილიონი დოლარის მფლობელი 84 წლის გლორია მაკკენზი გახდა. მისი ორ დოლარიანი ლატარიის ბილეთი ერთადერთი აღმოჩნდა, რომლის ციფრების კომბინაციაც სწორი იყო. გამარჯვებული თანხის გადაცემის ცერემონიაზე შვილთან ერთად მივიდა და ჟურნალისტებთან გასაუბრება არ ისურვა. თუმცა მოგვიანებით განცხადება გაავრცელა და აღნიშნა, რომ იღბლიანი ბილეთი გულისხმიერი მამაკაცის წყალობით მიიღო, რომელმაც მას რიგში დგომის დროს ადგილი დაუთმო.