ამბობენ, კვამლი უცეცხლოდ არ ჩნდებაო და ბევრს საუბრობენ ჩვენი ქვეყნის პრეზიდენტის რომანებსა, თუ თავგადასავლებზე. ქართველებს უკვე სიაც გვაქვს სახელწოდებით-"პრეზიდენტის ნაშები და ფავორიტები", რომელიც უკვე ათეულობით ქალბატონს ითვლის. ჟურნალმა "რეიტინგმა" იმდენი სტატია მიუძღვნა მიხეილ სააკაშვილისა და ქართული სცენის "დედოფლის" სოფო ნიჟარაძის რომანს, სანამ საქმე არ გაირთულა. სოფომ პრესკომფერენცია გამართა, სადაც განაცხადა: "ყველა ეპიზოდი, რაც ამ ჟურნალის მიერ დაბეჭდილ სტატიაში არის აღწერილი, არის სიცრუე და არც ერთი სიტყვა სიმართლეს არ შეესაბამება. მე მაქვს ჩემი სიმართლე და სწორედ ამ სიმართლის დასამტკიცებლად მივდივარ სასამართლოში". ეტყობა მომღერალმა სასამართლოში სარჩელის შესატანად ჯერ ვერ მოიცალა, ახალ კლიპზე მუშაობს, 22, 23, 24 აპრილს კი პრაღაში "თბილისის დღეებზე" აპირებს სიმღერას. რაც შეეხება ჟურნალ "რეიტინგს", მგონი სოფოს მუქარას სულაც არ შეუშინებია, პრესკომფერენციის შემდეგ კვლავ არაერთი სტატია მიუძღვნეს სკანდალურ მომღერალს. ლელიკო ჯაფარიძე, ოპერის მომღერალი და პედაგოგო ჟურნალთან ინტერვიუში სწორედ სოფო ნიჟარაძეზე საუბრობს: "სოფო ნიჟარაძე, რომელიც ამ წლების განმავლობაში თავზე გვაჯდა, რა თქმა უნდა ჩემთან არ მოსულა. ვითომ რაღაც სპექტაკლი დადგეს, მსოფლიო უნდა გავაოცოთო, "ქეთო და კოტე", რომელიც სინამდვილეში "ქუთუ და...." გამოვიდა, დიდი ბოდიშს ვიხდი ამ სიტყვებისთვის, მაგრამ ასეა. ვინმემ ხომ უნდა თქვას სიმართლე. ნიჟარაძის გოგო კი, რომელსაც ოპერის მომღერლობაზე აქვს პრეტენზია, ჩემთვის იგივეა, რაც სკამი, რომელიც ჩემ გვერდზე დევს. თუ ვინმეს ეთქმის სიტყვა ხელოვნების ამ დარგზე, ეს მე ვარ. ნიჟარაძემ იმ წლებში დრო იხელთა და მაღალი დონის შემსრულებლების გვერდით დადგომა გაბედა, ეს ჩვენი ქვეყნის სირცხვილი იყო, რადგან ქართული სიმღერა და ცეკვა მსოფლიოში განთქმულია, მაგრამ რას ვიზამთ, იმ უნიჭოს თავზე ისეთი პატრონი ადგა, მუსიკალური სმენა კი არა, ყურში ნახვრეტიც არ აქვს. უბრალოდ, ქალი მოსწონდა და იმიტომ აიყვანეს ცამდე, თორემ ახლა ვიღას ახსოვს სოფო ნიჟარაძე, ვინმეს უნახავს და იცის რას აკეთებს?.."