ქართული ეროვნული ბალეტი, საზოგადოებაში უფრო მეტად ცნობილი, როგორც სუხიშვილები - ქორეოგრაფიული ანსამბლი, დაარსდა 1945 წელს ილიკო სუხიშვილისა და ნინო რამიშვილის
ხელმძღვანელობით. ანსამბლის მიერ ქართულ ცეკვაში განხორციელებული რეფორმა ახლოა ე.წ. "მოდერნბალეტის" პრინციპეპთან, თუმცა არსით და პოეტიკით ქართული ეროვნული ქორეოგრაფიაა და ანსამბლის დადგმული ცეკვები ქართულ ფოლკლორს ეფუძნება. ანსამბლს განხორციელებული აქვს ორასზე მეტი ტურნე, 88 ქვეყანაში. 1967 წელს ანსამბლამა კონცერტი გამართა ლა-სკალაში და პირველი და დღემდე ერთადერთი ფოლკლორული დასია, რომელიც ამ თეტრის სცენაზე გამოვიდა. ამ წარმოდგენის შესახებ გაზეთები წერდნენ: "ბალეტის ქართველი არტისტები თავად სრულყოფილებაა. ეს ცეკვა არაა, ეს აღმაფრენაა, ქარიშხალია სცენაზე! მათი ცეკვა გამოწვევაა გრავიტაციის კანონების წინააღმდეგ. მამაკაცური სიძლიერის და ქალური გარაციოზულობის კავშირია. მოცეკვავეების ფეერიაა, რომლებიც ჰაერში იჭრებიან კალეიდოსკუპური გეომეტრიითა და სამხედრო სიმკვეთრით"