სერიალი "ჩემი ცოლის დაქალები" ნინო გაჩეჩლაძემ დატოვა. მაყურებელმა უკვე შეაჩვია თვალი "ახალ კატოს"-ლელა მებურიშვილს. ფაქტია, რომ ნინო არ დამშვიდებულა ის კიდევ საუბრობს სერიალიდან წასვლს მიზეზებზე. რამდენიმე კვირის წინ ის "ფეისბუქის" საკუთარ გვერდზე წერდა: "მოგეხსენებათ მე ვარ მარჯანიშვილის თეატრის მსახიობი, სადაც სულ ცოტა ხნის წინ ახალი სპექტაკლის რეპეტიციები დამეწყო, რაც ასევე დიდ დროსა და ენერგიას მოითხოვს ჩემგან, პარალელურად ორივე საქმის კეთება საკმაოდ ძნელია, ამიტომ გადავწყვიტე ეს პერიოდი თეატრს დავუთმო და სერიალის მაყურებელს თავი აღარ მოვაბეზრო. დიდი მადლობა მინდა გითხრათ თქვენ ყველას კატოს პერსონაჟის მიმართ გამოხატული სითბოსთვის და დიდი მადლობა მინდა ვუთხრა "ფორმულა კრეატივს" და ყველა იმ ადამიანს, ვინც ამ პროექტზე ჩემთან ერთად იმუშავა. ვიმედოვნებ, რომ ჩვენი ურთიერთობა მომავალშიც გაგრძელდება. ჩემს კოლეგებს კი წარმატებებს ვუსურვებ! სიყვარულით, ნინო".

სულ ცოტა ხნის წინ მსახიობმა ჟურნალ "prime time"-სთან კვლავ ისაუბრა სერიალის დატოვების მიზეზებზე. ნინო ამტკიცებს, რომ ზოგიერთ მეორეხარისხოვანი როლის შემსრულეელს ორჯერ მეტ თანხას უხდიდნენ, სწორედ ამიტომ მოვითხოვე ხელფასის მომატებაო. "ჩვენ მთავარი პერსონაჟები, ვმუშაობდით კონტრაქტების საფუძველზე, რომლის მიხედვითაც ყოველთვიურად ვიღებდით ხელფასს, თვეში 1500 ლარს. შვებულების წინ, ივლისის თვეში ინტენსიური მუშაობის შედეგად გადაღებების პროცესი დასრულდა30 დღის ნაცვლად 18 დღეში, მაგრამ რატომღაც ნახევარი თვის ხელფასი გადაგვიხადეს, ხოლო აგვისტოს (ანუ შვებულების) ხელფასი საერთოდ არ მიგვიღია. შვებულებიდან დაბრუნებულმა ვიკითხე: "ღამეები, რომ გაგვეთენებინა და თვის გეგმა 5 დღეში შეგვესრულებინა, 5 დღის ხელფასს მოგვცემდით-მეთქი?" ეს კითხვა ზოგ-ზოგიერთებს არ მოეწონათ"-გვიამბობს ნინო.

ეს ყვლაფერი როდია... გავრცელდა ჭორები, რომლის თანხმადაც ნინოს დიტოს როლის შემსრულებელ, კოტე თოლორდავასთან რომანი ჰქონდა. დიტოს ოჯახმა სასწრფოდ მოითხოვა ნინოს სერიალიდან გაშვებაო... გავრცელებული ჭორებისთვის ყურადღება არ მიმიქცევია, სანამ სოციალურ ქსელში კოტე თოლორდავას სტატუსს არ წავაწყდი:

მაშინვე გამახსენდა ჭორები და გადავწყვიტე ნინო გაჩეჩილაძეს დავკავშირებოდი... სამწუხაროდ მობილური ტელეფონი გამორთული ჰქონდა, სოციალურ ქსელშიც მივწერე, მაგრამ კითხვაზე პასუხი ჯერ არ მიმიღია.