ახალი წლის დღეებში ლონდონის რესტორნებში შეიძლება სპეციალური კერძის შეკვეთა, რომელსაც "ბედნიერება" ეწოდება და რომელიც უკვე მრავალი წელია, ბრიტანელებში დიდი პოპულარობით სარგებლობს
ერთი კია, ვინც მის დაგემოვნებას მოინდომებს, რესტორანს წერილობით უნდა დაუდასტუროს, რომ გარდაცვალების შემთხვევაში, პრეტენზიას არავინ გამოთქვამს.

საქმე იმაშია, რომ მზარეულები კერძში ვერცხლის ფიგურებს ამატებენ, რომლის აღმოჩენაც მთელი წლის განმავლობაში ადამიანს ბედნიერებას უქადის, მაგრამ არ არის გამორიცხული, ეს ვერცხლის ფიგურა შეუმჩნეველი დარჩეს, რესტორნის სტუმარს ყელში გადასცდეს და ადგილზევე გაგუდოს.

მიუხედავად იმისა, რომ ფატალური შემთხვევები არც თუ ისე დიდი იშვიათობაა, ბედ_იღბლის მაძიებლები ტრადიციული კერძის "ბედნიერების" ჭამაზე ახალი წლის დღეებში უარს მაინც არ ამბობენ.