ესპანეთის პრიმერადივიზიონის 29-ე ტურში “ბარსელონა” სტუმრად “სელტას” დაუზავდა 2:2. აღნიშნულ შეხვედრაში კატალონიური გუნდის თავდამსხმელმა ლიონელ მესიმ ერთბაშად ორი რეკორდი დაამაყარა – ერთ სეზონში “ბარსელონას” ყველა მეტოქეს გაუტანა და მიჯრით მე-19 გატანილი გოლი მიითვალა, რაც პრიმერადივიზიონში აქამდე არავის გაუკეთებია.
მესიმ ერთი რეკორდიც გაიმეორა. არგენტინელმა თავდამსხმელმა სტუმრად გატანილ გოლთა რაოდენობა 23-მდე გაზარდა, რითაც 2011/2012 წლების სეზონში კრიშტიანო რონალდუს მიერ ნაჩვენები შედეგი გაიმეორა. მატჩის შემდეგ მესიმ აღნიშნა, დამყარებული რეკორდებით ძალზედ გახარებული ვარ, მაგრამ ვწუხვარ, რომ გამარჯვება ვერ მოვიპოვეთო.