სხვა ერის ტრაგედია!!! 2013, 25 მარტი, 16:18 21-ე საუკუნის საქართველოში 1 წლის ბავშვი ხშირი შიმშილით გარდაიცვალა! ყველა აღშფოთებულია, ყველა საკუთარ თავს კიცხავს, მაგრამ... ხომ შეიძლებოდა, ეს არ მომხდარიყო? სახელმწიფოს მიერ "დამსახურებული მამაოებისთვის" გადაცემული ჯიპებით სიარული ნორმალურია იმ დროს, როდესაც ბავშვები შიმშილით იხოცებიან ქვეყანაში? სააკაშვილმა, მწუხარების ნიშნად, სახელმწიფო დროშა რომ დაუშვა თავის სასახლეზე, ნეტა, მაშინ თუ ფიქრობდა მშიერ ბავშვებზე, როცა 15 ათას ევროიან საათებს ყიდულობდა იტალიაში და დოქტორ დოტის ძუძუების მასაჟში ათასობით დოლარს იხდიდა? ან იქნებ, მაშინ ფიქრობდა ამ პრობლემის მოგვარებაზე, როცა თავის "ჯიბის საყვარელს" მისი ბრძანებით 3 მილიონ ლარს უყოფდნენ საკონცერტო კაბებში? რა ნამუსით გამოდის და რომელი გულისტკივილით გამოსთქვამს ეხლა მწუხარებას? თქვე გაზულუქებულო ჩინოვნიკებო და "ქველმოქმედო" ბიზნესმენებო, ხომ შეიძლებოდა, აქამდე გადაგედგათ კონკრეტული ნაბიჯები, რეალურად დაგეარსებინათ რამე ფონდი მშიერი, გაღატაკებული ოჯახებისთვის? ყველაფერი მხოლოდ ფურცელზე გაქვთ ჩამოკიწკიწებული თვალის ასახვევად და მილიონების მოსაღუნად, სიკეთის მკეთებელი ბიზნესმენი კი სანთლითაა საძებნი ქვეყანაში! ერთ ადგილას გაიკეთეთ ეგ ფურცლებიც და თქვენი თანაგრძნობაც! პატარას სიკვდილს ვეღარაფერი უშველის! იქნებ, ამ ერთი წლის სიცოცხლის უდროოდ და ტრაგიკულად დასრულებამ მაინც დაგვაფიქროს ყველა, რა არის ჩვენი მისია ამ ქვეყნად და სიტყვების რახარუხის მაგივრად, რეალურად ვაკეთოთ ყველამ კეთილი საქმე! ღმერთმა ნათელში ამყოფოს გოგიტა აბაშიძის სული და ღმერთმა მოგვცეს შეგნება, რომ მსგავსი ტრაგედია ავირიდოთ თავიდან მომავალში!.. 27 6-ს მოსწონს
|