სულ ცოტა ხნის წინ ინტერნეტში ვიდეომასალა გავრცელდა, რომელზეც რამდენიმე ქართველი მინისტრია ასახული. ამაში საოცარი არაფერი იქნებოდა, რომ არა მათი ფიზიკური დაზიანებები. მართლაც საოცარია, რა უნდა დამართნოდა 4 მინისტრს ერთდროულად. ბიძინა

ივანიშვილის მარჯვენა ხელი, ვიცეპრემიერი, ენერგეტიკის მინისტრი, ქართველი ფეხბურთელი, საქართველოს ნაკრების ყოფილი კაპიტანი კახა კალაძე კოჭლობდა. მისი კოჭლობა რამდენიმე წლის წინ არავის გაუკვირდებოდა, ყველა ჩათვლიდა,

რომ ფეხბურთელმა ტრავმა მიიღო, მაგრამ ეს უკანასკნელი დიდი ფეხბურთიდანაც წამოვდა და ახლა აქტიურ პოლიტიკურ ცხოვრებას ეწევა. სამწუხაროდ მან ამ ფაქტზე კომენტარის გაკეთება არ ისურვა.
ვიდეოზე ნათლადაა ასახული ყავარჯნით ხელში დავით კირვალიძე. ალბათ ყველამ იცის, რომ ბატონი დავითი სოფლის მეურნეობის მინისტრი გახლავთ. მან კოჭლობის მიზეზად კუნთის დაჭიმვა დაასახელა. არასახარბიელო მდგომარეობაში იყო დიასპორის საკითხებში სახელმწიფო მინისტრი, კოტე სურგულაძე. სავარაუდოდ მას ხელი აქვს მოტეხილი და სხდომათა დარბაზში თაბაშირით აღჭურვილი შებრძანდა. სხვა მინისტრებს ლტოლვილთა და განსახლების მინისტრი, დავით დარახველიძეც არ ჩამორჩა. მან თვალზე ხელი აიფარა, მაგრამ ჟურნალისტებს მისი ჩალურჯებული თვალიც არ გამორჩენიათ. მინისტრი ირწმუნება, რომ თვალი ალერგიამ ჩაულურჯა. აღნიშნულ ფაქტთან დაკავშირებით საზოგადოებაში განსხვავებული მოსაზრებები ვრცელდება. მართლაც საინტერესოა, რატომ "დაზიანდა" ოთხი მინისტრი ერთ დღეს?

ახლა კი გთავაზობთ დაპირებულ ვიდეოს.