პარიზში მაღალი მოდის კვირეული მიმდინარეობს. კვირეულის ფარგლებში ფრანგი დიზაინერები თავიანთ Haute Couture კოლექციებს წარმოადგენენ. ცნობილი მოდის სახლის Christian Dior-ის კრეატიულმა დირექტორმა რაფ სიმონსმა Dior-ის სტილის საკუთარი ხედვა წარმოადგინა.

პოდიუმი ბაღის ბილიკად გადაიქცა, თავად კოლექციაშიც მრავლად იყო წარმოდგენილი მცენარეული თემატიკა: კაბები გაფორმებული იყო ყვავილებიანი დეკორით. სიმონსმა პატივი მიაგო ბრენდის ისტორიას და ასევე წარმოადგინა ფანტაზიები ტრადიციულ სილუეტზე new look, რომელსაც საკუთარი შტრიხები-რთული, არქიტექტურული თარგი მიამატა.