აბიტურიენტებისთვის სასიხარულო ინფორმაცია გაავრცელა განათლების სამინისტრომ. განათლების და მეცნიერების სამინისტროს ინიციატივით 2013 წლიდან სახელმწიფო უმაღლეს დაწესებულებებში ბაკალავრიატის 14 სპეციალობის სრული კურსი უფასო გახდება. აგრონომია, განათლების მეცნიერებები, ენერგეტიკა და ელექტროინჟინერია, მშენებლობა, მათემატიკა, ქიმია, ფიზიკა, ბიოლოგია, ეკონომიკა, არქეოლოგია, ისტორია, ქართული ფილოლოგია, ფილოსოფია და არქიტექტურა, ეს ის ფაკულტეტებია რომლებზეც სწავლა უფასო ხდება. დაფინანსება ეხებათ მხოლოდ იმ უმაღლეს სასწავლებლებში მოხვედრილ სტუდენტებს, რომელ სასწავლებლებსაც ზემოაღნიშნულ მიმართულებებზე სადოქტორო პროგრამები აქვთ. გარდა ამისა, ზურაბიშვილმა განაცხადა: "30%-იანი გრანტის გაუქმებით, რომელიც ფაქტიურად დიდ შეღავათს არ იძლეოდა, ჩვენ შევძელით 50, 70 და 100%-იანი გრანტების გაზრდა, რაც ნიშნავს, რომ უფრო მეტი სტუდენტი მიიღებს დაფინანსებას". მართლაც სასიხარულია მომავალი სტუდენტებისთვის, ისინი მთიან კურს სრულიად უფასოდ ისწავლიან. ამ 14 ფაკულტეტში ბევრი მოთხოვნადი ფაკლუტეტიც შევიდა, რაზეც აქამდეც დიდი მოთხოვნა იყო. ერთი სიტყვით საქართველო მიდის იმისკენ რომ სწავლა ყველასთვის ხელმისაწვდომი გახდეს. ეროვნული გამოცდების შედეგადად, 14 სპეციალობის სტუდენტები უმაღლეს სასწავლებლებში 2013 წლიდან უფასოდ ისწავლიან.