რას აღარ ამბობენ "კაიმანზე" დიასახლისების "პორშეაო" ღარიბების 911-საც უწოდებდნენ, ამ მოსაზრებას ნამდვილი ავტომობილისტი რა თქმა უნდა მაშინვე არ დაეთანხმებოდა. "პორშეს" გულშემატკივრებისთვის "კაიმანი" მისი გამოშვებიდან კარგ მანქანად ითვლებოდა, რაც მისი კომპაქტურობისა და სიმსუბუქის დამსახურება გახლდათ. "კაიმანი" პორშეს სუპერმოდელებს სისწრაფით ოდნავ ჩამორჩება.

ლოს ანჯელესის ავტოშოუზე "კაიმანის" მეორე თაობა წარმოადგინეს, "კაიმანი" Boxter-ის ბაზაზეა შექმნილი. კუპესაც ეტყობა ჰიბრიდული კონცეპტის, 918 spuder-ის აქცენტები რაც მსუბუქად კუთხოვან წინა ფარებსა და უკანა მაშუქეებში ინტეგრირებულ სპოილერში გამოიხატება.

შეიცვალა სალონიც: შედარებით მოკრძალებული ხარისხის მასალები წარსულს ჩაბარდა. ამ კლასში "პორშე" პირველად გვთავაზობს ცნობილი ბერლინური ბრენდის, "ბურმესტერის" საუნდ-სისტემას და რადგან წინამორბედთან შედარებით ბაზა 6 სანტიმეტრით (2.42მეტრამდე ) გაიზარდა, წესით კრიტიკოსებმა აღარც ჯდომის ბაყაყური პოზიციაზე არ უნდა დაიჩივლონ.
კაიმანი ორი აგრეგადიტ იქნება მოტორიზებული: "პატარა", 2.7 ლიტრიანი ძრავას ახლა 275 ცხენის ძალა (10-ით მეტი) ექნება, ხოლო დიდს 3.4ლიტრიანი 325 ცხენის ძალა (ხუთით მეტი). Cayman s 2 850 ევროდ შეფასებული PDK-კოლოფით 100კმ/სთ-მდე 4.7 წამში აჩქარდება.

"კაიმანი" მარტიდან გაიყიდება და მისი საბაზრო ფასი დაახლოებით 51 385 ევრო იქნება.