ბადრი პატარკაციშვილის დედა, ნათელა პატარკაციშვილი მართლაც საამაყო დედაა. მე ბედნიერი ვარ იმით, რომ ქართველი ვაჟკაცი გავზარდე, რომელიც მთელი თავისი სიცოცხლის მანძილზე სიკეთეს აკეთებდა და საქართველოს სიყვარულს შესწირა თავი. ნათელა პატარკაციშვილი თავის ღია წერილში ზოგიერთ მედიასაშუალებაზე საუბრობს: ბევრი კითხვა მიჩნდება, მაგრამ პასუხი ვერ მიპოვია. ნეტავ რა ღირს ის უზნეობა და ბოროტება, რომელსაც ზოგიერთი მედიასაშუალება სჩადის? არაერთხელ განვაცხადე პრესითა თუ ტელევიზიით, რომ არანაირი განხეთქილება და დაპირისპირება არ მომხდარა ჩვენს ოჯახში. ვგულისხმობ ჩემს შვილებს, ჩემს
რძალს - ინა გუდავაძეს და ჩემს შვილიშვილებს. კიდევ ერთხელ ვიმეორებ - კამათიც კი არ მოგვსვლია ერთმანეთთან. ყველამ იცის, ვინ იყო ბადრი პატარკაციშვილი, მაგრამ ბოლოს ისეთი განაჩენი
გამოუტანეს, თითქოს იგი საქართველოს გადამტრიალებელი ყოფილიყო. ეს ყოველგვარ სიმართლეს მოკლებულია და ალბათ საქართველოს არცერთი მკვიდრი არ ეთანხმება ამას. სამწუხაროდ, ასე მოხდა, მაგრამ ამისთვის არავის განვსჯი და არავის ვედავები. ტელეკომპანია იმედი დაუბრუნდა პატარკაციშვილების ოჯახს, რისთვისაც დიდ მადლობას ეუბნება ბიძინა ივანიშვილის. ივანიშვილი გამარჯვებამდე იძახდა, რომ როდესაც გაიმარჯვებდა ყველას თავისას დაუბრუნებდა.