სხვა რა იმალება შენს სახელში? 2012, 12 აპრილი, 23:03  საქართველოში ბავშვებს ხშირად არქმევენ წმინდანთა სახელებს და ამას აქვს ახსნა- ადამიანებს სწამთ, რომ წმინდანი იფარავს მისი სახელის მქონე ადამიანებს. საქართველოში პოპულარულიამამაკაცის შემდეგი სახელები: გიორგი, დავითი, ზურაბი, ალექსანდრე, ლევანი, თეიმურაზი (თემური), ნიკოლოზი (ნიკო, ნიკა), მიხეილი (მიშა), თამაზი, ირაკლი. ქალის სახელები: ნინო, თამარი, მარიამი, ქეთევანი (ქეთი), მარინე (მარინა), ლია (ლიანა), მაია; ანა (ანი), ნანა (ნანი). ასტროლოგებს, ნუმეროლოგებს და, საერთოდ, ეზოტერიკული დისციპლინების წარმომადგენლებს მიაჩნიათ, რომ სახელი გავლენას ახდენს ადამიანზე, რადგან შედგება ასო-ბგერისგან, თითოეულ ასო-ბგერას კი თავისი სიხშირე და გავლენა აქვს. გარდა ამისა, ადამიანის სახელს ნუმეროლოგიური (რიცხვითი) მნიშვნელობაც აქვს. მაგალითად, თანამედროვე ქართული ანბანის 33-ვე ასოს თავისი ციფრი ან რიცხვი შეესაბამება. დღეს გაგაცნობთ ქართულ ანბანში შემავალი ასოების ეზოტერიკულ მნიშვნელობას. თუ სახელში რომელიმე ასო-ბგერა ორჯერ ამ მეტჯერ გვხვდება, ცხადია, ამ ასო-ბგერას ორმაგი გავლენა აქვს: ა- ეს ასო ადამიანს ანიჭებს ორგანიზებულობასა და შრომისუნარიანობას. ბ - აჩენს მიდრეკილებას რისკისადმი, აპროგრამებს წარმატებას სარისკო საქმეებში. გ - უვითარებს გემოვნებას და, ამასთანავე, ამპარტავნებას. დ - ავითარებს მესაკუთრეობის უნარს. ე - მიუთითებს ურთიერთსაწინააღმდეგო თვისებებზე - თბილი, ადამიანური დამოკიდებულების სურვილს და მისწრაფებას ძალაუფლებისაკენ. ვ - აჩენს ცხოვრების წინასწარ დაგეგმვის მიდრეკილებას. ზ - სახელში ამ ასოს მქონე ადამიანი კირკიტა და შრომისმოყვარეა, ყურადღებას აქცევს დეტალებს. თ - ეს ასო ცვლილებების სიმბოლოა. ი - ადამიანს ანიჭებს სიბრძნეს. კ - ადამიანს ანიჭებს სიმშვიდეს. ლ - ახდენს კომფორტისა და ხორციელი სიამოვნების პროვოცირებას. მ - აღვიძებს სურვილს, ყველაფერი გამოსცადოს საკუთარ თავზე. ნ - ამ ასოს გავლენით ადამიანი ეჯაჭვება სხვა ადამიანს ან სამუშაოს. ო - ანიჭებს პრინციპულობას, მაგრამ კონსერვატიზმსაც ავითარებს. პ - ვის სახელშიც ეს ბგერა ურევია, მისთვის მთავარია გამარჯვება. ჟ - აღვიძებს მიდრეკილებას სრულყოფისაკენ. რ - ეს არის სიმტკიცე და მიზანსწრაფვა. ს - ანიჭებს იუმორის გრძნობას, სხვისი მოხიბვლის უნარს. ტ - დამუხრუჭება, წინაღობა (საჭიროა, ორგანიზებულობა, ეს ყოველივე რომ გადაილახოს. კარგია, თუ მის გვერდით არის ასო "ა"). უ - ცბიერება, საკუთარი მისწრაფებების დამალვა. ფ - აჩენს მიზნის მიღწევის უნარს, მაგრამ არა აქტიური მოქმედებით, არამედ - ნელა და დაჟინებით. ქ - სიმსუბუქე, სილაღე. ზოგჯერ ეს ასო ილუზიებისკენ მიდრეკილებასაც იწვევს (განსაკუთრებით თუ მასთან ახლოს არის ასო "თ"). ღ - სიღრმე, მისტიკურობა, ოკულტური ცოდნა. ყ - გაორება, გაურკვევლობა, ბუნდოვანება. შ - აჩენს გულგრილობას, მაგრამ ამასთანავე, უშიშრობას. ჩ - სამართლიანობის განცდა. ც - ადამიანი გულისხმიერია, მას ყოველთვის შეიძლება ენდო. ძ - ძალუძს გმირობის ჩადენაც და სისასტიკის გამოჩენაც. წ - ზოგჯერ სიხარბისკენ მიდრეკილების და ქონების დაგროვების სურვილს იძლევა. ჭ - კინკლაობის მოყვარულია. ხ - ჯიუტია, ზოგჯერ სიავის ჩადენაც შეუძლია. ჯ - ადამიანი, რომლის სახელშიც ეს ასოა, ცდილობს, ყველას დაეხმაროს. ჰ - მისწრაფება ჰარმონიისაკენ. ზეციური ძალების მფარველობა. 3742 12-ს მოსწონს 1-ს არა |
  |
Intermedia.ge © 2011-2024 წელი
საავტორო უფლებები დაცულია
 |
(ზუსტია 100%)