ხელისუფლების შეცვლის შემდეგ, იმდენი ადამიანი დაიკარგა, რომ რთულია ყველა გაიხსენო. ყოფილი მინისტრი ვერა ქობალია, რომელსაც მუდამ ქარ-ცეცხლში ატარებდა საზოგადოების დიდი ნაწილი და ამას ვინ დაეძებს, მას ხშირად შეურაცხმყოფელი ეპითეტებითაც ამკობდნენ ახლა დაკარგულია. სკანდალურიიყო მისი პირადი ცხოვრებაც. მდგრადი მინისტრის მაშინდელი ოჯახური ცხოვრება არც ისე მდგრადი აღმოჩნდა და პოლიტიკურ კარიერას მისი პირადულიც შეეწირა. კარგა ხანია უკვე ვერა საზოგადოებას აღარ უნახავს. ქალაქში დადის ჭორები იმის შესახებ, რომ ვერა ქობალიამ საქართველო დატოვა, თუმცა ბოლო დროს გავრცელებული ინფორმაციით, ის პრეზიდენტის მრჩევლად გადაიყვანეს. ყველას გახსოვთ ციხის ის შემზარავი კადრები, რის შემდეგაც საზოგადოების დიდი ნაწილი, ხათუნა კალმახელიძის დაპატიმრებას ითხოვდა. მაშინდელი სასჯელაღსრულების მინისტრ ხათუნა კალმახელიძის სახე მისი გადადგომის დღიდანვე გაქრა. კალმახელიძემ ყველაფერს თავი აარიდა და უბრალოდ გაქრა.
მას დღეს რატომღაც არავინ კითხულობს და არავინ ამბობს სად არის. გაქრა დიმიტრი შაშკინიც, მაგრამ ის წერილებს მაინც გვწერს. შაშკინი არც ჭირში გვტოვებს და არც ლხინში. ნაციონალური სახეებ­ი­დან უგზო-უკვლოდ გამქრალთა სიას შეუერთდა იუსტიციის ყოფილი მინისტრი ზურაბ ადეიშვილი. გამქრალი მაღალჩინოსნებიდან წერილებით მხოლოდ დიმიტრი შაშკინმა მოგვმართა. ერთი
პერიოდი ისე მოეწონა სოციალურ ქსელში თავის გასამართლებელი წერილების გამოქვეყნება, ლამის ჩვევაში გადაეზარდა. და ბოლოს უნდა ვაღიაროთ, რომ ყველაზე გაბედული მაინც ბაჩანა ახალაია აღმოჩნდა. ბაჩოც გაიქცა ქვეყნიდან, მაგრამ თავისი ფეხით დაბრუნდა და პროკურატურაშიც თვითომ მივიდა და დღეს ციხეში განაჩენს ელოდება.