1 კითხვა:რა შემთხვევაში შეიძლება ყინული გახდეს გამხურებელი?
როცა სხეულს ექნება ყინულის ტემპერატურაზე უფრო დაბალი ტემპერატურა.
2 კითხვა: რატომაა შეუძლებელი ცეცხლმოდებული ნავთის წყლით ჩაქრობა?
ნავთი იტივტივებს წყლის ზედაპირზე და გააგრძელებს წვას.
3 კითხვა:რა შემთხვევაშია უფრო საშიში დენიანი გამტარის შეხება, სველი თუ მშრალი ხელებით?
სველი ხელით, რადგან ტენი ხელებზე შეიცავს მარილებს, რომლებიც დისოციაციის დროს ქმნიან იონებს, რის შედეგადაც კარგი გამტარი ხდება.
4 კითხვა:ვეშაპი წყალში ცხოვრობს, მაგრამ სუნთქავს ფილტვებით, მიუხედავად ამისა, ხმელეთზე იგი ერთ საათსაც ვერ გაძლებს, რატომ?
ვეშაპის მასა 90-100 ტონამდეა.წყალში ეს მასა ნაწილობრივ გაწონასწორებულია ამომგდები ძალით.ხმელეთზე კი ასეთი დიდი მასის ზემოქმედების გამო ვეშაპს ეკუმშება სისხლძარღვები, რის გამოც ეკეტება სასუნთქი გზები და იღუპება.
5 კითხვა:როცა ძალიან ყინავს, ჩიტებს ფრენისას უფრო სცივათ, ვიდრე როცა სხედან, რატომ?
ცივ ჰაერში ფრთების ქნევის დროს ხდება სითბოს გაძლიერებული გადაცემა გარემოზე.ზოგჯერ სითბური დანაკარგი იმდენად დიდია, რომ ფრენისას ჩიტი იყინება.
6 კითხვა: მეხი უფრო ხშირად მუხას აზიანებს, რატომ?
იმიტომ, რომ მუხას აქვს მიწაში ღრმად გადადგმული ფესვები, რომლითაც კავშირი აქვს წყლიან ნიადაგთან.როდესაც დაელექტროებული ღრუბელი მუხის წვეროს შეეხება, მუხტები უშუალოდ მიწაში გადადიან.
7 კითხვა:არის შემთხვევა, როდესაც ელექტროგადამცემ სადენზე მჯდომი ჩიტი იღუპება.რა შემთხვევაში ხდება ეს?
ჩიტი იღუპება იმ შემთხვევაში, როდესაც იგი შეეხება ბოძს ფრთებით, კუდით ან ნისკარტით.