ჯერ კიდევ გაურკვეველია რა ბედი ეწევა სოციალურად დაუცველ მოსახლეობს. დედაქალაქის მერის თქმით, მას განუმარტეს, რომ თბილისელების სოციალურ შეღავათებთან დაკავშირებული საკითხი დღევანდელი სხდომის დღის წესრიგში არ შედიოდა, თუმცა უგულავასთვის ეს არგუმენტი მიუღებელია. მითხრეს, რომ საკითხი დღის წესრიგიში შეტანილი არ იყო და ამიტომ არ განიხილებოდა. ამასთან, სოციალური საკითხების შესახებ საუბრის ნაცვლად, პრემიერისგან სუბორდინაციის შესახებ შენიშვნები მივიღე. თუმცა, მინდა გითხრათ, რომ პრემიერსა და მერს შორის არანაირი სუბორდინაცია არ არსებობს. საზოგადოებაში ეს საკითხი ორად გაიყო, ნაწილი ივანიშვილს ექომაგება და აცხადებს, რომ პრემიერი სწორად მოიქცა. საზოგადოების ნაწილი აცხადებს, რომ უგულავა იბრძვის თბილისელებისთვის და ამიტომაც უყვარს ის მთელ თბილისსო. ფაქტი ერთია, ქალაქის მერი არ დაუშვეს მთავრობის სხდომაზე. უგულავას თქმით, ასეთი დამოკიდებულება შევარდნაძის მთავრობის სხდომების დროსაც კი არ ყოფილა. უგულავა კანცელარიას ქაჯეთის ციხეს ადარებს.პრემიერ-მინისტრს აქვს უფლება, რომ იქვე, მთავრობის სხდომაზე "სხვადასხვა საკითხებში" ჩასვას ის თემები, რომლებზეც მსჯელობა მთავრობის კომპეტენციაშია, არგუმენტი, რომელიც მოვისმინეთ ტყუილია. საკითხი რომელიც 600 000 ადამიანს ეხება არ მოხვდა მთავრობის სხდომაზე და აბსტრაქტურად გადაიდო რამდენიმე კვირით თუ თვით.