სოზარ სუბარი, საქართველოს სასჯელაღსრულების, პრობაციისა და იურიდიული დახმარების მინისტრი, იმყოფებოდა გლდანის საპყრობილეში. მან მოინახულა პატიმრები, რომლებიც ციხის N18-ე სამკურნალო დაწესებულებაში მკურნალობენ. მან აღნიშნა, რომ ზოგიერთი მათგანის ჯანმრთელობის მდგომარეობა მძიმეა. მინისტრმა მოინახულა ის პატიმრები, რომლებმაც შიმშილობა შეწყვიტეს. ასევე ბატონმა სოზარმა აღნიშნა, რომ დაწყებულია პირობით ვადამდე გათავისუფლებები და დაახლოებით განთავისუფლდება 200-300 ადამიანი. მინისტრის თქმით, ციხიდან "ჯორჯიან თაიმსის" დამფუძნებელი მალხაზ გულაშვილი გათავისუფლდება. ასევე საპატიმროს დატოვებს ერთ-ერთი პოლიტპატიმარი. მინისტრმა განაცხადა, რომ ამინისტია ჯამში იქნება ფართომაშტაბიანი.