წარმოიდგინეთ, რომ თქვენ საფეხბურთო კლუბის პრეზიდენტი ხართ და თქვენი გუნდი ჩემპიონატის პირველ 5 ტურში ვერ ახერხებს გოლის გატანას.რა უნდა გააკეთოთ?
უკრაინული კლუბის, "ობოლონის" ხელმძღვანელობამ საკმაოდ ორიგინალური ნაბიჯი აირჩია.ყოველ თავის მოთამაშეს, რომელიც უკრაინის ჩემპიონატის მე-6 ტურის მატჩში გოლს გაიტანს "მეტალისტის" კარში, 100ლიტრ ლუდს, მისცემს ჯილდოს სახით.ამის თაობაზე ფეხბურთელებს დილის ვარჯიშის დროს აცნობეს.
ამ ინიციატივამ შედეგი გამოიღო და კიევურმა კლუბმა მეტოქეს 3 გოლი გაუტანა, თუმცა საკუთარშიც იმდენივე მიიღო და მატჩი ფრედ დასრულდა. მეტოქის კარში გოლები გაიტანეს და 100-100 ლიტრი ლუდი დაიმსახურეს იგორ პლასტუმმა, ალექსანდრ მაძიუკმა და ივან კოტენკომ. ახლა უკვე სიტყვა კლუბის ხელმძღვანელებზეა. ვნახოთ, შეასრულებენ თუ არა თავიანთ დანაპირებს.