საინტერესო და სასაცილო სათაურებით ამშვენებს პრესა გაქცეულების თემას. არც ჩვენ ჩამოვრჩებით და აგერ 3-ე სეზონში ვართ. გაქცეულები 3-ი, როგორც კი დაემატაება 4-ე, გადავალთ ახალ სეზონში. გაქცეულთა სიაში პირველი ზურაბ ადეიშვილია ყოფილმა იუსტიციის მინისტრმა 5 ოქტომბერს აიღო შვებულება (ოფიციალური ინფორმაციით) და რა თქმა უნდა, "დასასვენებლად" საზღვარგარეთ გაემგზავრა. ბოლოს ის ფრანკფურტში ათი დღის წინ ნახეს, როგორც ირკვევა ზუსტად ასეთივე მეთოდით მიატოვეს ქვეყანა ძმებმა ახალაიებმა.მეორე მინისტრი ვინც საქართველო დატოვა დიმიტრი შაშკინია. "არც მშვიდობიან დროს და არც ომში არც ერთ ადამიანს არ მივატოვებთ"ეს დევიზი თავდაცვის ყოფილ მინისტრს შაშკინს ეკუთვნის. ახლა ომია თუ მშვიდობა? მშვიდობაა და მიატოვა, ალბათ ომის დროს რას იზავდა წარმოუდგენელია. შაშკინმა, სხვათა შორის, უცხოეთიდან უზარმაზარი მიმართვა გამოუგზავნა ჯარისკაცებს და კოლეგებს, რომელშიც დეტალურად აღწერა, თუ როგორ "ააღორძინა"ციხეები, ჯარი და განათლების სისტემა. ალბათ, რომ სცოდნოდა, რა გამოხმაურება მოჰყვებოდა სოციალურ ქსელებში მის უსტარს, "დუმილის უფლებას" აირჩევდა. საზოგადოება ისტორიას იხსენებს, მათ ყავდათ დემეტრე თავდადებული და ახლა ყავთ დიმიტრი გაქცეული. სხვებისგან განსხავებით ვანო მერაბიშვილი ოფიციალურად გაუჩინარდა, მაგრამ მას არ დაუბარებია სად წავიდა და როდის დაბრუნდება, საინტერესოა რომელ ქვეყანაში ხდება კიდევ ასე. კიდევ რამდენ მაღალჩინოსანს უჭირავს თვალი უცხოეთისკენ, უცნობია. თუმცა, უკვე შეგვიძლია ვთქვათ, რომ მთავრობის გადაბარების კი არა, მთავრობის გაქრობის პროცესი მიმდინარეობს.