ფოტოგრაფია თბილისში რუსთაველის მეტროსთან ლაზ-695-ის "აკრობატული ნახტომი" - ერთი (არა მარტო) ფოტოს ისტორია 4 აპრილი, 12:16  ეს ფოტო 1997 წელს არის გადაღებული, თბილისში ქალაქის შუაგულში, ზედ რუსთაველის მეტროსთან ავტობუსმა ლაზ-695 нг-მ "აკრობატული ნახტომი" გააკეთა. ფოტოს სახელია "ზღვარზე", რომლის ავტორია ფოტოგრაფი გურამ წიბახაშვილი. ავტობუსი სავარაუდოდ მიხეილ ჯავახაშვილის ქუჩიდან მოედინებოდა, სხვა ყველა მხრივ თუ რა მოხდა ისტორია სდუმს.
გურამ წიბახაშვილის ფოტოალბომს" ზღვარზე" რომელიც გამომცემლობა "არტანუჯმა" გამოსცა, გარეკანზე სწორედ ეს ფოტო არის დატანებული. 
გურამ წიბახაშვილი დაიბადა თბილისში 1960 წლის 1 თებერვალს. დაამთავრა თბილისის სახელმწიფო უნივერსიტეტის ქიმიის ფაკულტეტი 1982 წელს; აქვე 1990–1994წწ. სწავლობდა ფოტოგრაფიის თეორიას.
1991 წლიდან კითხულობს ლექციებს ფოტოგრაფიაში; თანამშრომლობს პრესასთან;1985 წლიდან არის "ვიზუალური ბანკის" შექმნის თანაავტორი და თანამშრომელი; 60-მდე გამოფენის მონაწილე, მათ შორის 20-მდე პერსონალურის. გამოქვეყნებული აქვს სტატიები ფოტოგრაფიაზე და თანამედროვე ხელოვნებაზე. "გურამ წიბახაშვილის ეს ფოტოთრილერი „ზღვარზე“ ნამდვილი დროის მანქანაა, ბრუტალური 90-იანების სასტიკი გიდი.
ერთი 90-იანებამდელი მწერალი კი ამბობს, „არავინ იცის იმაზე მეტი, რის პოვნაც საჯარო ბიბლიოთეკის თაროებზე არ შეიძლებაო“, მაგრამ მწერლებს ნუ ენდობით. გურამ წიბახაშვილის ობიექტივმა იცის იმაზე მეტი, რასაც ვერც ერთ საჯარო ბიბლიოთეკაში ვერ ნახავთ. ყოველ შემთხვევაში, 90-იანი წლების შესახებ ნამდვილად იცის, უეჭველად. "(პაატა შამუგია)
გთავაზობთ გურამ წიბახაშვილის კიდევ რამდენიმე ფოტოს ნაცრისფერი 90-იანებიდან.
           993 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
