მიუხედავად იმისა, რომ ყველა პირობა არსებობს კბილებისა და პირის ღრუს მოსავლელად, პრობლემები მაინც იჩენენ თავს და სტომატოლოგთან ვიზიტი გარდაუვალი ხდება. ალბათ, ვიზიტის დროსაც გავიწყდებათ ისეთი მნიშვნელოვანი კითხვების დასმა ექიმისთვის, რომელიც თქვენი კბილებისა და პირის ღრუს სისუფთავესა და ჯანმრთელობას უზრუნველყოფს.

დღეში რამდენჯერ უნდა გავიხეხოთ კბილები? გავრეცელბული მითის თანახმად, დილა-საღამოს. თუმცა, რომ პირის ღრუს სისუფთავე გამუდმებით მნიშვნელოვანია. პირის ღრუში ბაქტერიებს გასავრცელებლად 48 საათი სჭირდებათ. იმის გათვალისწინებით, თუ სწორად იხეხავთ კბილებს და არც ერთი კუთხე არ გრჩებათ გაისუფთავებელი, მაშინ, დღეში ერთხელ გახეხვაც საკმარისია. პროფილაქტიკისთვის კი, ყოველი ჭამის შემდეგ კარგად გამოივლეთ პირის ღრუში წყალი.

კბილების გახეხვის რამდენიმე სწორი მეთოდი შემუშავდა სტომატოლოგების მიერ და მათ შორის ცნობილია:

ჩერტერის მეთოდი - 40 გრადუსიანი კუთხის მქონე ჯაგრისით წრიული მოძრაობა არაჩვეულებრივი მასაჟია, პარალელურად, ასუფთავებს ნადებს და კბილთაშორის სივრცეებში არსებულ ნარჩენებს.

ლეონარდოს მეთოდი - გახეხვა ჯაგრისის ვერტიკალურად მოძრაობით. ასეთი გახეხვის მეთოდი უპრიანია, თუ წინა კბილები გადაბმულია და სივრცეები არ აქვს. საღეჭი კბილების ზედა მხარე (თავები) გაიხეხეთ ჯაგრისით, წინ და უკან მოძრაობით.

როდესაც სტომატოლოგიურ სკამზე ზიხართ, ალბათ ფიქრობთ, თუ რატომ ვერ ხედავთ ყველა საჭირო ინსტრუმენტს, რომლითაც თქვენს კბილებს მკურნალობენ? იმიტომ, რომ მათი დანახვის შემდეგ, ემოციისა და შიშის ფაქტორი არ წარმოიშვას.

ალბათ, იმაზეც დაფიქრებულხართ, თუ სად მიაქვს სტომატოლოგს ამოღებული კბილები? ხშირ შემთხვევაში (მაგრამ არა ყველა), კბილები ლაბორატორიაში, მეცნიერული კვლევებისთვის იგზავნება. ზოგიერთ შემთხვევაში კი, სტუდენტი სტომატოლოგებისთვის პრაქტიკის მისაღებად. მართალია, თანამედროვე, კბილის მოდელი-მანეკენები ხელოვნურია, თუმცა, ნახევარ შემთხვევაში, სწორედ პაციენტებისგან ამოღებული კბილებისგან მზადდება ის.

ჰოლივუდის ვარსკვლავები ღიმილის გარეშე არავის წარმოგვიდგენია. თუმცა, ისინი ასეთი ლაამზი კბილებით არ იბადებიან, მათაც უწევთ სტომატოლოგებთან ვიზიტი და სწორედ ამის შემდეგ გახდა მათი ღიმილი თვალისმომჭრელი.

მოდით, ვნახოთ თუ როგორ გამოიყურებოდა მათი ღიმილი მანამდე და სტომატოლოგთან ვიზიტის შემდეგ.

ჰოლივუდის ღიმილი - ვარსკვლავები სტომატოლოგთან ვიზიტამდე და შემდეგ