წითელ ხალიჩაზე "შიშველი" კაბები ხშირად გვხვდება. ცნობილ ადამიანებში განსაკუთრებული პოპულარობით ღრმა ჭრილი და თამამი დეკოლტე სარგებლობს, ამიტომ ყურადღების მიქცევის მიზნით სელებრითებს ზოგჯერ ზომიერების გრძნობა ღალატობთ და ხშირად საზოგადოების მხრიდან დაცინვის ობიექტებიც ხდებიან. დღევანდელ სტატიაში წარმოგიდგენთ მსოფლიო შოუ - ბიზნესის ცნობილი წარმომადგენლების ყველაზე თამამ და უგემოვნო "ლუქებს".

ლედი გაგა

ეპატაჟური პოპ - მომღერლის "ღირსებებს" აზღუდის დახმარება ერთმნიშვნელოვნად სჭირდება, ამიტომ თამამი ჩაცმულობის არჩევისას ლედი გაგამ სჯობს ბიუსტჰალტერის ტარებაზე არასდროს თქვას უარი.

პრიანკა ჩოპრა

ინდოელ ლამაზმანს პრიანკა ჩოპრას ღონისძიებისთვის უფრო მოკრძალებული სამოსი რომ შეერჩია უკეთესი იქნებოდა, რადგან მისი ბიუსტი ასეთი ღრმა დეკოლტისთვის არც იმდენად შესაფერისია. ამასთან, ვარსკვლავმა ისიც უნდა გაითვალისწინოს, რომ ასეთი ჩაცმულობით პოზირება მხოლოდ წელში გამართულია შესაძლებელი.

ლინდსი პელასი

ნუთუ ფუმფულა მკერდის მქონე ქალბატონისთვის შესაფერისი ზომის კაბის შერჩევა ასეთი რთულია? ეს ჩაცმულობა ლინდსი პელასის მკერდს აბრტყელებს და მას არც იმდენად სასიამოვნო შესახედს ხდის.

ემილი რატაკოვსკი

ვარსკვლავს "Harper's Bazaar"-ის წვეულებაზე ისეთი ღრმა დეკოლტიანი კაბა ეცვა რომ მოძრაობას ძლივს ახერხებდა. მოდელის კაბა ამერიკელმა ტელეწამყვანებმაც გააკრიტიკეს და მას ვულგარული უწოდეს.

კიმ კარდაშიანი

ეს კაბა ზუსტად ისე უნდა გამოიყურებოდეს, როგორც ეს გამხდარ "Fashion Nova"-ას მოდელზეა წარმოდგენილი. კიმის ფუმფულა მკერდი კი კაბაში ვერ ჩაეტია, საიდანაც ის ამოხტომას ყველა მხრიდან ლამობდა. სხვათა შორის, ჯერჯერობით უცნობია, კაბის დიზაინი ვინ ვის მოპარა: კიმმა "Fashion Nova" -ს თუ პირიქით.

ევა ლონგორია

"სასოწარკვეთილი დიასახლისის" ვარსკვლავის შემთხვევაშიც ალბათ ურიგო არ იქნებოდა მას არჩევანი ან სხვა კაბაზე გაეკეთებინა ან მოშვებული მკერდის დასაფარად რაიმე აქსესუარი გამოეყენებინა.

სარა ჯესიკა პარკერი

რაც შეეხება "კერი ბრედშოუს" უცნაურ ჩაცმულობას ის შეუმჩნეველი არავის დარჩენია, ხოლო მისი ვარდისფერი კაბა და კისერზე მიბჯენილი მკერდი კრიტიკოსებს შორის სერიოზული განხილვის თემადაც კი იქცა.

შანინა შეიკი

ისეთი შთაბეჭდილება რჩება რომ საღამოსთვის ავსტრალიელმა მოდელმა რამდენიმე ზომით დიდი კაბა შეარჩია. გარდა ამისა, ცალკეულ ფოტოებზე, რომლებიც ინტერნეტქსელში ჯერ კიდევ იძებნება ნათლად ჩანს, რომ შანინას საცვლების ჩაცმაზეც დიდად არ უზრუნია. როგორც ჩანს, "Victoria's Secret"-ის "ანგელოზისთვის" ასეთი პროვოკაციული "ლუქი" ყურადღების მიქცევისთვის იყო შექმნილი.

ტრეისი ელის როსი

ნიჭიერმა მსახიობმა, მოდელმა და პროდიუსერმა ტრეისი ელის როსმა 2022 წლის "ოსკარზე" დასასწრებად წარუმატებელი "ლუქი" შეარჩია. ვარსკვლავის მოშიშვლებული მხრები იღლიების ირგვლივ კანს არც თუ სასიამოვნო შესახედაობას აძლევდა, ხოლო ბიუსტი აზღუდის პატარა ფიალებიდან ამოტყორცნას მთელი ძალით ლამობდა.

ირინა შეიკი

მოდელის კრემისფერი კაბა ძველ, გარეცხილ მარლას მოგაგონებდათ, რომლის ზედმეტად მოჭერილმა კორსეტმაც ტოპ-მოდელის მთელი "ლუქი" გააფუჭა. იმედია, საღამოს განმავლობაში შეიკი ასეთ სამოსში თავს არც ისე უხერხულად გრძნობდა.