საქართველოში ამ გაუკუღმართებულობების თაყვანისმცემლები ამავდროულად "გლობალური ომის პარტიის" ("გოპ") მარიონეტებს, ანუ "გოპ-ნიკებს" წარმოადგენენ. სწორედ ისინი დგანან მცნებათა აღრევის, სიმართლის თავდაყირა დაყენების, "ჩემი - შენ გითხარის" პრინციპების პრაქტიკის სათავეში, რაც აქტიურად ინერგება ჩვენთან უკვე ორი ათწლეულის განმავლობაში. ამ "გოპ-ნიკების" ე.წ. "პოლიტიკური" ძალა, რომელმაც ხელისუფლებაში ყოფნის სულ რაღაც ცხრა წელიწადში, რუსეთის ნეოიმპერიალისტური მადა საქართველოში დააკმაყოფილა უკლებლივ ყველა მიმართულებით (ტერიტორიული, სამხედრო, ეკონომიკური, სადაზვერვო და ა.შ.) - დღეს აქეთ გვდებს ბრალს "მონობასა" და "რუსეთუმეობაში".

მცნებათა მსგავსი აღრევა ეწია ტერმინ "გოიმსაც" - როდესაც საუკუნოვანი ტრადიციების, მრწამსის, კულტურის მიმდევრებს ამკობდნენ ამ დამამცირებელი "იარლიყით", მაშინ, როდესაც ამ ტერმინის დედააზრის მატარებლები თავად იყვნენ და არიან. დღეს უეჭველი, კანონიკური (და არა აპოკრიფული) "გოიმია": "გოპ-ნიკების" მიერ მართული ფსევდოლიბერალიზმის ნებისმიერი წარმომადგებელი საქართველოში - რიგითი ამომრჩევლიდან მათ ე.წ. "პოლიტიკოსებამდე".

დღეს, მადლობა ღმერთს, "გოიმების" მასა საქართველოში აღარ წარმოადგენს იმ კრიტიკულ ნიშნულს, რომლის პიკმა გადაიარა და ამ პროცესების უტყუარი ინდიკატორია ჩვენი "გოიმების" პოლიტიკურ ველზე მიმდინარე "აფეთქებების და თვითდაზიანებების სერიალი". მოძრაობა "ხალხის ძალა" ქვეყნის ამ "დე-გოიმიზაციის" პროცესებს სწორედ იმ მომენტში ჩაუდგა სათავეში, როდესაც საქართველოში "წისქვილებთან ბრძოლის" არადამაჯერებლობამ, გვაიძულა თავად "მეწისქვილესთვის" გამოგვეცხადებინა ომი.

დღეს ქვეყანაში ამ ურჩხულის საბოლოოდ დამარცხების ჟამი დგება, დღეს ქართველი "გოიმების" ნაწილის მაინც - ნათელ, "მამაპაპისეულ" მხარეზე გადმოყვანის დრო დგება, რა თქმა უნდა ქრისტესმიერი სიყვარულით მათ მიმართ და დაუნდობელი მიდგომით ანტიქრისტეს ტახტმაშენებლებთან მიმართებით. დღეს საქართველოში "გოპ-ნიკების" მიერ წაქეზებული და დაფინანსებული "გოიმების", მათთვის სახიფათო და მომაკვდინებელი ტყვეობიდან და მძევლობიდან გამოყვანის პერიოდი იწყება. დღეს "გოიმობა" არა თუ უკვე "ტეხავს" - ის სულის გადარჩენის საქმეში დამღუპველია და განწირულია გარდაუვალი დამარცხებისთვის. საქართველო არასდროს არ იყო "გოიმების" ქვეყანა - და აწი უკვე აღარც იქნება."-წერს ქართველიშვილი.