გიორგი მარშანია "ჯირაფ ჟოზეს" სათამაშოსთან ერთად
ქართული მუსიკალური ანიმაცია "ჟირაფი ჟოზე" ამერიკულ ბაზარზე გადის. ამის შესახებ იუწყება "ჟირაფ ჟოზეს" ავტორი გიორგი მარშანია.
"დაახლოებით 18 თვის წინ, პირველი მეილი რომ მივიღე ამერიკელებისგან,
სათაური ჰქონდა ასეთი: JOZE TAKES OVER AMERICA !!
სოფელ გლდანში დახატულ პერსონაჟზე ამას რომ გწერენ ნიუიორკიდან და ლოსანჯელესიდან ერთდროულად, მთლად დამაჯერებელი არ არის, მაგრამ
15 საათში ჟოზეს პირველი სერიის პრემიერაა იუთუბზე, ამერიკელი ბავშვებისთვის ჯერ ზუსტად არ ვიცი რას იზამს ჟოზე ამხელა აუდიტორიასთან, მაგრამ ქართველი ბავშვების სიყვარულმა ეს ქვეყანა რომ ვერ დაიტია და ოკეანის გაღმა გავიდა ყვითელი ბედნიერება - ეს ფაქტია.
როგორც არ უნდა იყოს, მადლობა თქვენ, ვინც ჟოზეს უყურებთ! მადლობა, ვინც ჟოზეს გულშემატკივრობს! ჟოზეს ძალიან უყვარხართ!" - წერს გიორგი მარშანია ფეისბუქ- გვერდზე.
ასეთია ამერიკელებისთვის განკუთვნილი პირველი ქართული ანიმაციის "ჟირაფი ჟოზეს" იუთუბ-არხი:
სპეციალურად ამერიკის აუდიტორიისთვის შექმნიალია იუთუბ-არხიც,
პრემიერა საქართველოს დროით დღეს 5 საათზე იქნება. აქ შეგიძლიათ ნახოთ "ამერიკული ჟოზე":
