საზოგადოებაში რატომღაც ისეთი აზრია გავრცელებული, რომ ძირითადად მხოლოდ მამაკაცები ღალტობენ, თუმცა ეს ასე ნამდვილად არ არის. მეტიც, თუკი ჰოლივუდის ცნობილ ვარსკვლავურ წყვილებს გადავხედავთ, დავრწმუნდებით, რომ ღალატის მსხვერპლი შეიძლება ნებისმიერი სელებრითი მამაკაციც კი აღმოჩნდეს. ძნელი დასაჯერებელია, მაგრამ ფაქტია, რომ მეორე ნახევრები ისეთ სიმპათიურ მამაკაცებსაც კი ღალატობენ როგორებიც, თქვენ წარმოიდგინეთ და, - ჯუდ ლოუ, რობერტ პატინსონი, ჯასტინ ტიმბერლეიკი და სილი არიან, თუმცა, მოდით ვნახოთ, კონკრეტულად ვისში გაცვალეს ამ ცნობილმა ქალებმა საკუთარი მეორე ნახევრები.

რობერტ პატინსონი

წარმატებული ბრიტანელი მსახიობის რობერტ პატინსონის ყოფილმა შეყვარებულმა, კრისტენ სტიუარტმა მას რეჟისორ რუპერტ სანდერსთან უღალატა, თუმცა პატინსონმა შეყვარებულს ღალატი ვერ აპატია და გოგონასთან ურთიერთობა სამუდამოდ გაწყვიტა.

სილი

მომღერლის ყოფილმა მეუღლემ, გერმანელმა სუპერმოდელმა ჰაიდი კლუმმა რომანი არც მეტი, არც ნაკლები პირად მცველთან გააბა, რაც საბოლოოდ, წყვილის განქორწინებით დასრულდა.

ჯუდ ლოუ

ჰილივუდის ერთ–ერთი ყველაზე ლამაზი წყვილი მსახიობი სიენა მილერი და ჯუდ ლოუ ერთმანეთს რანდენიმე წლიანი ურთიერთობის შემდეგ საბოლოოდ დაშორდნენ, ქალების გულთამპყრობელ მსახიობს შეყვარებულმა უღალატა. როგორც ამბობენ, ამ გზით მან შური საკუთარ პარტნიორზე ღალატისთვის იძია, იმ პერიოდისთვის გოგონა მსახიობ ბალთაზარ გეტის ხვდებოდა, რომელსაც უკვე ოჯახი ჰყავდა, თუმცა გარკვეული პერიოდის შემდეგ ის კვლავ ჯუდ ლოუს დაუბრუნდა, მაგრამ ეს დაბრუნება ხანმოკლე აღმოჩნდა, წყვილი ერთმანეთს შერიგებიდან მალევე დაშორდა.

ჯასტინ ტიმბერლეიკი

2002 წელი ამ ვარსკვლავური წყვილისთვის საბედისწერო აღმოჩნდა. ცნობილმა მომღერალმა ჯასტინ ტიმბერლეიკმა ყოფილი შეყვარებული ბრიტნი სპირსი ღალატში საჯაროდ დაადანაშაულა. მოგვიანებით კი, როგორც პოპ - მომღერლის ბავშვობის მეგობარმა, ქორეოგრაფმა უეიდ რობსონმა აღიარა ის ბრიტნის, ტიმბერლეიკთან რომანის პარალელურად სისტემატურად ხვდებოდა.