ინტიმური თეთრეული მშვენიერი სქესის წარმომადგენელთა გარდერობის განუყოფელი ნაწილია, რომელზეც როგორც წესი მოდის ცვლილებები ყველაზე მეტად აისახება. ბოლო 100 წლის განმავლობაში ქალთა გარდერობის ამ განუყოფელმა ატრიბუტმა იმდენი სახეცვლილება განიცადა რომ 1940-იანი წლების ფოტოსურათების თვალიერებისას ძნელად დასაჯერებელია რომ ქალებს მსგავსი სახის თეთრეულის ტარება უწევდათ. მოდით ვნახოთ თუ რა ტრანსფორმაცია განიცადა ქალის საცვალმა ბოლო 100 წლის განმავლობაში.

1. საყვარელი კაბები (1910-1920 წწ)

რასაც ახლა ზაფხულში ვატარებთ, ადრე საცვლებს ეძახდნენ. ეს იყო მუხლამდე სიგრძის მაქმანებიანი კაბები, რომელთან ერთადაც ასევე მოდურად ითვლებოდა წინდების ტარებაც, რომელიც როგორც წესი, მუხლის თავს არ სცდებოდა. დღესდღეობით, ასეთი საცვლების ნახვა ქუჩებში სულ უფრო ხშირად არის შესაძლებელი, თუმცა ამჯერად, უკვე მოდური კაბის სახით.

2. კომფორტული შორტები (1920-1930 წწ)

და აი, დადგა აღვირახსნილი გართობისა და ცეკვის დროც, ამიტომ კაბები, რომლებიც ამ მხრივ მთლად პრაქტიკული არ იყო, მაღალ შორტებად და კომფორტულ ბიუსჰალტერებად გადაკეთდა. ასეთი კომბინაცია ასევე შესანიშნავად უსვამდა ხაზს ქალის სხეულის ფორმებსაც.

3. ბიუსტჰალტერის განვითარება (1930-იანი წლები)

პირველად სწორედ მაშინ დაიწყეს დიზაინერებმა ფიქრი ბიუსტჰალტერის კომფორტულ ფორმაზე, ვინაიდან კორსეტები სრულიად არაპრაქტიკული იყო, პირველი ბიუსტჰალტერი, რომელიც მკერდისთვის ერთგვარი საყრდენის ფუნქციას ასრულებდა უკვე ბაზარზე 1930-იან წლებში გამოჩნდა.

4. ბიუსტჰალტერის მოდერნიზაცია (1930-1940 წწ)

ამ წლებში არაერთი მნიშვნელოვანი სიახლე მოხდა - გაჩნდა ლითონის დეტალებით გაწყობილი ბიუსჰალტერები, სქელი ქსოვილისგან დამზადებული კონუსის ფორმის აზღუდები, და პირველად, მაღაზიის დახლებზე უბრიტელო ლიფებიც გამოჩნდა.

5. ქსოვილების მრავალფეროვნება (1950-1960 წწ)

მერლინ მონროს სექსუალობამ დიზაინერები შთააგონა ექსპერიმენტები არა მხოლოდ ფორმაზე, არამედ მასალაზეც ჩაეტერებინათ, ასე გაჩნდა პირველი მაქმანის, შიფონისა და ატლასის კომპლექტები.

6. კეკლუცობის დრო (1960-იანი წლები)

60-იანი წლების ქალის თეთრეული განსაკუთრებული რომანტიკულობითა და სითამამით გამოირჩეოდა. რომანტიკული ნაკეცები, ყვავილებითა და ბაფთებით გაფორმებული აზღუდები - აი, რით იწონებდნენ თავს იმდროინდელი მოდის მოყვარულები.

7. მაქმანებიანი კომპლექტები (1970-იანი წლები)

70-იანი წლებში თეთრეული უკვე ხდება უფრო თამამი, გამჭვირვალე და ასევე მინიმალისტურიც. მისი დიზაინი გამოირჩევა სიმარტივითა და სიმსუბუქით, მთავარი აქცენტი კი მაქმანზე კეთდება.

8. თეძოს ხაზი (1980-1990 წწ)

სწორედ ამ ეპოქაში დაიწყო აქცენტის გაკეთება თეძოებზე, შესაბამისად, სხეულის ამ ნაწილს საცვლებშიც ხაზი განსაკუთრებულად ესმებოდა. თეთრეულის შესაქმნელად გამოიყენებოდა სხვადასხვა ფაქტურის მასალები, დიზაინერებს ასევე ფერთან დაკავშირებული ექსპერიმენტებიც არ აშინებდათ.

9. სექსუალობის ბუმი (1990-იანი წლები)

90-იანებში თეთრეული ხდება აგრესიულად სექსუალური, თუმცა ამავდროულად ყველა კომპლექტი საგულდაგულოდ გააზრებული და არა ვულგარულია.

10. ყოველგვარი მორიდების გარეშე (2000-იანი წლები)

მშფოთვარე ნულოვანებში მოდურად საცვლების დემონსტრირება ითვლებოდა. ვარსკვლავები განზრახ ახდენდნენ თავიანთი ტრუსების რეზინის ჩვენებას, რომლებიც დაბალწელიანი ჯინსის შარვლებიდან ჰქონდათ ამოწეული, ასევე საკმაოდ ტრენდულად ითვლებოდა ნახევრადგამჭვირვალე პერანგების ტარებაც.

11. საზღვრების წაშლა (2010-იანი წლებიდან დღემდე)

დღესდღეობით, სრულიად ნორმალურად ითვლება მაგალითად, პენუარის სტილის კაბაში გარეთ გასვლა. იგივე ეხება სხეულის ტიპსაც: "პლუს" ზომის მოდელები ახლა პოპულარობის პიკზე არიან.