არა, რაააა... გინდა უწიგნო ბიბლიოთეკა გახსენი, გინდა - მავზოლეუმი, გინდა - მუზეუმი, გინდა - უნივერსიტეტი, გინდა - ბიძია თომას ქოხი, როცა თავში ნამჯა გიყრია, მაინც არაფერი გამოგივა.

გითხრათ, რა მოხდება?

ჩაბოდიალდებიან ჭორვილაში, დაიწყებენ დროშების ფრიალსა და ბუშტების გაშვებას, გამოეკიდებიან იქაურები, კუდებით ქვებს ასროლინებენ, ქოშებს ბეჭებზე მიარტყმევინებენ, შეიძლება ერთი-ორჯერ შემოულაწუნონ კიდევაც და... დაიწყებენ ჯღნავილს, დემოკრატია საფრთხეშია, სიტყვისა და გამოხატვის თავისუფლებას ზღუდავან, ბიძინა ივანიშვილის სოფელში პლურალიზმი საერთოდ არ არსებობსო.

რაც მთავარია, ახლა აშშ-ის ახალ ელჩს უნდა აჩვენონ, როგორი ბოროტია ბიძინა ივანიშვილი.

მა რაააა, მეტი ვერაფერი მოუფიქრებიათ და მა სხვანაირად როგო იქნება?

ფუჰ, თქვენი, დაგიფსათ იდეებზე დეპუტატმა მაჭუტაძემ!"-წერს სოციალურ ქსელში ჟურნალისტი გელა ზედელაშვილი.

"დღეს ქვეყანას ჰყავს არაფორმალური მმართველი, რომელიც ყოველდღიურად გვაშორებს დემოკრატიისგან, რომელიც ღიად აფერხებს ქვეყნის ევროინტეგრაციის პროცესს. მეგობრებო, დროა გავასწოროთ სამიზნე და გავითავისოთ, რომ ჩვენი ქვეყნის მთავარი პრობლემა არა ბიძინა ივანიშვილის პოლიტიკური ინსტრუმენტები, არამედ თავად რუსი ოლიგარქი ბიძინა ივანიშვილია, რომელმაც გადაწყვიტა, რომ ქართველები რუსებით ჩაანაცვლოს და ჩვენ ვხედავთ, ყოველდღიურად რამდენი ჩვენი მოქალაქე მიდის ემიგრაციაში და რამდენი რუსი სახლდება ჩვენს ქვეყანაში.

დღეს არ არის გარჩევების, ურთიერთბრალდებების და პოლიტიკური კეკლუცობის დრო. მოგიწოდებთ, დავდგეთ ერთად და დავიწყოთ ჩვენი ქვეყნის დეოლიგარქიზაცია, ანუ დებიძინიზაცია. ხუთშაბათს, 19 ოქტომბერს, 11 საათზე რესპუბლიკის მოედნიდან ერთად დავიძრებით ჭორვილაში, სადაც აუცილებლად შევახსენებთ ბიძინა ივანიშვილს, რომ ის ვერ გაექცევა პასუხისმგებლობას, ვერ გაგვარუსებს და ჩვენს მოქალაქეებს ვეღარ გააქცევს ჩვენი ქვეყნიდან. დღეს არ არის დაყოფის დრო. ან ერთად ვიბრძვით რუსი ოლიგარქის წინააღმდეგ, ან ვხდებით მისი მოღალატეობრივი რეჟიმის მონაწილეები“-განაცხადა სოფო ჯაფარიძემ.