თუ ჯერ კიდევ ებრძვით საძულველ "ფორთოხლის კანს", მაშინ იცოდეთ რომ ცნობილმა ადამიანებმა ეს უმადური საქმე უკვე დიდი ხნის წინ მიატოვეს. მათ უბრალოდ მიიღეს საკუთარი თავი და შეწყვიტეს სხეულის ნაკლოვანებებზე დარდი, მაგრამ ზოგჯერ აბეზარი პაპარაცები მაინც ახერხებენ მათი დეფექტების მთელი "ბრწყინვალებით" გამოფენას და სელებრითებისთვის მათი ნაკლოვანებების კიდევ ერთხელ შეხსენებას.

კიმ კარდაშიანი

კიმი უკვე დიდი ხანია მიეჩვია, რომ საზოგადოების ყურადღება მის ფორმებს, კერძოდ კი, უკანალს ეთმობა. კარდაშიანს საკუთარი თავის შეულამაზებლად წარმოჩენა არ ერიდება, პირიქით, მას საკუთარი სხეულის დეფექტებიც კი მოსწონს. ამერიკელი ფოტომოდელი თვლის, რომ ცელულიტი და სხვა ნაკლოვანებები მას ჩვეულებრივ მოკვდავებთან კიდევ უფრო აახლოს, ისე კიმი ბევრს სწორედ მისი ღიაობისა და გულწრფელი ფოტოების გამო უყვარს.

ეშლი გრემი

პოპულარული ამერიკელი პლუს-ზომის მოდელი ეშლი გრემი გოგონებს საკუთარი თავის მიმღებლობისკენ მოუწოდებს. ამ კატეგორიაში ერთ -ერთი წარმატებული მოდელი თავისი სხეულის "Photoshop"-ში დამუშავების კატეგორიული წინააღმდეგია და მხოლოდ იმ კომპანიებთან თანამშრომლობს, რომელთა კონტრაქტშიც არის პირობა, რომლის მიხედვითაც მისი ფოტოები არ უნდა რედაქტირდეს.

პერის ჰილტონი

მიუხედავად იმისა, რომ პერისი სპორტით აქტიურად არის დაკავებული, მზაკვრული ცელულიტი მისი სხეულის დატოვებას მაინც არ ჩქარობს, მაგრამ ვარსკვლავს ეს სულაც არ აწუხებს, ცნობილი მსახიობი, მოდელი და ბიზნეს ქალბატონი კვლავ განაგრძობს ჯანსაღი ცხოვრების წესით ცხოვრებას პირველ რიგში საკუთარი ჯანმრთელობისთვის, ხოლო ლამაზი კანი მისთვის უკვე - მეორე ადგილზეა.

სკარლეტ იოჰანსონი

კაცები იოჰანსონის ფუმფულა ფორმებზე გიჟდებიან, მაგრამ სინამდვილეში მისი რეალური ფიგურა რეტუშირებული ფოტოებისგან მკვეთრად განსხვავდება. მსახიობს უკანალი "ფორთოხლის კანით" აქვს დაფარული, მისი მკერდი კი ოდნავ დაშვებულია. მიუხედავად ამისა, სკარლეტი თავს შესანიშნავად გრძნობს და დიდად არც ის ფაქტი ანაღვლებს თუ მისი არასრულყოფილი ფორმების გამო ვინმეს იმედები გაუცრუვდება.

ალესანდრა ამბროსიო

"Victoria's Secret"-ის ბრენდის ულამაზესი მოდელი რეალურ ცხოვრებაში ჩვეულებრივი ქალივით გამოიყურება, თუმცა რეტუშირებულ ფოტოებზე ამბროსიო - ნამდვილი სრულყოფილებაა. ხშირად მოდელები და მსახიობები საკუთარი სხეულის ნაკლოვანებებს ყურადღებას არ აქცევენ, რადგან მშვენივრად ესმით, რომ არსებობს ირეალური ცხოვრება, სადაც ყველა და ყველაფერი სრულყოფილია, და არის რეალობა, სადაც სრულყოფილი არავინაა და რომ დეფექტებიც ყველას აქვს.

ისკრა ლოურენსი

ბრიტანელმა პლუს-ზომის მოდელმა ერთ-ერთ ინტერვიუში აღიარა, რომ არ არსებობს დიდი წონის ადამიანი ცელულიტის გარეშე, და რომ ის საშუალო წონის ადამიანებსაც აქვთ. ასე რომ, გოგონებო სანერვიულო არაფერია, "ფორთოხლის კანი" თითქმის ყველას აქვს.

ალიშა ქისი

სწორად შერჩეული რაკურსი და ფიგურაც თითქმის სრულყოფილი ხდება, მაგრამ სინამდვილეში ყველაფერი სხვაგვარადაა. ალიშა ქისმა ყველა ხალხური საშუალება და საუკეთესო კოსმეტიკური პროცედურები საკუთარ თავზე დატესტა, წყლის მიღების რეჟიმიც დაიცვა და ცელულიტის დაშლის სპეციალური ვარჯიშებიც აკეთა, თუმცა მომღერლის რამდენიმე წლიანმა ბრძოლამ შედეგი ვერ გამოიღო. ერთ დღესაც ალიშამ მტკიცედ გადაწყვიტა, თავი მეტი აღარ დაეტანჯა და ცხოვრებისგან მხოლოდ სიამოვნება მიეღო.

კრისტინა აგილერა

ორმოცი წლისთვის კრისტინამ წონაში საგრძნობლად მოიმატა, თუმცა პოპ-ვარსკვლავს ფუმფულა ფორმები ძალიანაც უხდება. მომღერლს ერთ იმიჯში იშვიათად ნახავთ, მომღერალი ხან ხდება, ხანაც იმატებს. ასეთი ექსტრიმისგან კრისის კანმა ელასტიურობა დაკარგა და კანზე ბორცვები, ჩაღრმავებები და ცელულიტი გაუჩნდა. როგორც მომღერალმა თავის ერთ - ერთ ბოლო ინტერვიუში აღნიშნა ის ჭარბ წონასთან და მის შედეგებთან ბრძოლით დაიღალა, ამიტომ საკუთარი სხეულის მიღება გადაწყვიტა, თუმცა ეს მომღერლის პირველი ასეთი განცხადება არ არის, ვინ იცის შეიძლება პოპ - დივა უახლოეს მომავალში გამხდარი ისევ ვიხილოთ.

უმა თურმანი

კანზე არსებული ბორცვები და ჩაღრმავებები არა მხოლოდ ჭარბწონიანი ქალბატონების პრობლემაა. უმა თურმანს "ფორთოხლის კანი" და სტრიები მშობიარობის შემდეგ გაუჩნდა, თუმცა ლამაზმანს ეს ზღვის სანაპიროზე დასვენებასა და ღია საცურაო კოსტიუმით გარუჯვაში ხელს ნამდვილად არ უშლის.