საინტერესო ისტორიული მასალაც კი მხოლოდ მშრალი ფაქტებია, მაშინ როდესაც ისტორიული ფოტოები დამთვალიერებელზე არა მხოლოდ სრულიად განსხვავებულ შთაბეჭდილებას ახდენს, არამედ მათ ისტორიული რეალობის უკეთ გაგებაშიც ეხმარება. შემთხვევით გადაღებული კადრების უკან როგორც წესი, მომნუსხველი ისტორიები იმალება, რომელთა გაცნობასაც თქვენთვის სწორედ ახლა ვაპირებ.

შეგვიძლია მხოლოდ ვივარაუდოთ რა ნეტარებაშია ეს ადამიანი, თუმცა კომპანია "Görransson's mekaniska verkstad", რომელიც 1892 წელს სავარჯიშო აღჭურვილობას აწარმოებდა, სავარაუდოდ მარტოხელა მამაკაცებში უდიდესი წარმატებით სარგებლობდა

"H&M"-ის დიზაინერთა გუნდი ისვენებს... პომორი დიზაინერულ, ორნამენტებიან სვიტერში, ვინტაჟური შარფითა და მოდური საგაზაფხულო შარვლით, მე-20 საუკუნის დასაწყისი... აბა, რას იტყვით?

დიქტატორები ბავშვებსაც კი არ უყვართ... ბრაზილიელი გოგონა პრეზიდენტ ჟოანუ ფიგეირედუსთვის ხელის ჩამორთმევაზე უარს ამბობს, 1979 წელი, თუმცა სულ ტყუილუბრალოდ, ბრაზილიის პრეზიდენტი ბევრი ლიბერალური რეფორმის გამტარებელი გახლდათ და დიქტატურისგანაც საკმაოდ შორს იყო

ღვინო ფრონტისთვის, ღვინო გამარჯვებისთვის... პირველი მსოფლიო ომის დროს ფრონტს ფრანგები 3800 კმ-ზე მეტი სიგრძის ვიწრო ლიანდაგის გზების ქსელით ამარაგებდნენ, "იმისთვის, რომ ხიშტი ხელში ძლიერად გეჭიროთ - დალიეთ ძმებო შარდონე". ფრანგი ჯარისკაცები ხის კასრს პატარა სარკინიგზო ავზიდან ვიწრო ლიანდაგის რკინიგზაზე ღვინით ავსებენ.

მაშველები სანაპიროზე - მოლოდინი....

და მაშველი სანაპიროზე - რეალობა... თქვე წინაშეა 1905 წლიდან ვანკუვერის პირველი მაშველი, ჯო ფორტესი, რომელმაც 29 ადამიანი გადაარჩინა, პატივისცემა მას!

პირველი მსოფლიო ომის შემდეგ გერმანელი მეცნიერები რაკეტებით დაინტერესდნენ. 20-30-იან წლებში სარაკეტო ძრავებმა ფართო პოპულარობა მოიპოვა. გამომგონებლები მათ იყენებდნენ არა მხოლოდ სამხედრო იარაღისთვის, არამედ:

თვითმფრინავებზე;

ნავებზე;

მოტოციკლებზე;

ველოსიპედებზე;

და როლიკებზეც კი....

"ველოსიპედზე პედალების ტრიალი მოსაწყენია და თან დიდი დროც სჭირდება", - ალბათ, ასე ფიქრობდა გერმანელი ინჟინერი გერჰარდ რიხტერი. 1931 წელს გამომგონებელმა სხვა უკეთესი ვერაფერი მოიფიქრა ველოსიპედზე რაკეტის კვების წყაროსთვის მასზე 12 რაკეტისა და ბატარეის მიმაგრების გარდა. გერმანელი ინჟინრის შვილობილს, რომელსაც მან "Raketenrad", ანუ სარაკეტო ველოსიპედი უწოდა, დიდხანს არ უარსებია. რიხტერი თავის ექსპერიმენტებს ბერლინში, ავუსის სარბოლო ტრასაზე ატარებდა. პრობლემები კი მაშინ დაიწყო, როდესაც ინჟინერმა სიჩქარე საათში 89 კილომეტრამდე გაზარდა. რიხტერმა კონტროლი დაკარგა და სარაკეტო ველოსიპედიდან გადაფრინდა. საბედნიეროდ, ყველაფერი უმსხვერპლოდ დასრულდა. ცდილობდა თუ არა რიხტერი თავისი შვილობილის გაუმჯობესებაზე მუშაობას უცნობია. 1930-იან წლებში სარაკეტო ძრავები გერმანიაში თანდათან პოპულარობას კარგავდა, ისინი მალე თხევადი საწვავის ძრავებით შეიცვალა. ეს სიახლე კი ვალტერ ფონ ბრაუნის სახელთან არის დაკავშირებული.

ქრისტიანი ბავშვები 1966 წელს ვეიკროსსა და ჯორჯიაში "უღმერთო" "The Beatles"-ის ჩანაწერებს წვავენ

როცა აშშ-ის მოქალაქეობის მიღება ძალიან გინდა... 1968 წელს არნოლდ შვარცნეგერი 21 წლის ასაკში ამერიკაში ჩავიდა ("ტერმინატორის" ვარსკვლავი ამაზე 10 წლიდან ოცნებობდა) სადაც დიდი ხნის გამავლობაში არალეგალი იყო, მომავალმა ვარსკვლავმა მოქალაქეობა მხოლოდ 1983 წელს მიიღო, რის გამოც ბედნიერებას ვერ მალავს

თუ ფიქრობდით რომ პირამიდები უცხოპლანეტელებმა ააშენეს იმედი უნდა გაგიცრუოთ, 1931 წლის ფოტოზე, საჰაერო ხომალდი "Graf Zeppelin" ასრულებს რეისს ფრიდრიხშაფენი - ალექსანდრია, რომელიც 30 საათსა 45 წუთს გრელდებოდა, ძლიერი ქარის გამო დირიჟაბლს ნილოსის დელტასა და პირამიდებზე გადაფრენა მოუწია

ფოტოზე სამართალდამცავი გოგონას "Rockaway"-ის სანაპიროს მახლობლად არასათანადო ჩაცმულობისთვის აჯრიმებს, ნიუ - იორკი, 1946 წელი

როგორ გავიცნოთ გოგონა, როდესაც არც "ფეისბუქია" და არც სხვა სოციალური ქსელები? უნდა გადაიღოთ ასეთი ფოტო წარწერით "იძებნებიან ცოლები", როგორც ეს გალანტურმა ბატონებმა კატის თანხლებით გააკეთეს - ველური დასავლეთის გულთამპყრობლები მონტანადან, 1901 წელი