არაბეთის გაერთიანებული საამიროების სასახლეების ფუფუნებისა და შეუღწევადი ფარდების მიღმა ქალების ისტორიები იმალება, რომლებიც გარეშე თვალისგან გასაიდუმლოებული ცხოვრების წესით ცხოვრობენ. ამ საიდუმლოს ცენტრში კი დუბაის მმრთველი, შეიხ მუჰამედ ბინ რაშიდ ალ მაქტუმი დგას, რომლის რომანებიც სხვადასხვა ქალთან მრავალი ჭორისა თუ სპეკულაციის საგანი გახდა. დღევანდელ სტატიაში მოგიყვებით პლანეტის ერთ-ერთი უმდიდრესი მამაკაცის ცოლების უცნობი ცხოვრების შესახებ.

შეიხ მუჰამედი, რომელსაც სხვადასხვა წყაროს მიხედვით 30-ზე მეტი შთამომავალი ჰყავს, თავისი უკანონო ურთიერთობების "წყალობით" მოექცა მსოფლიო პრესის ყურადღების ცენტრში. ერთ-ერთი ყველაზე რეზონანსული ისტორია - პრინცესა ჰაიას უკავშირდება, პრინცესა ჰაია არაბთა გაერთიანებული საამიროების პრემიერ-მინისტრის, შეიხ მოჰამედ ბინ რაშიდ ალ მაკტუმის მეოთხე და უმცროსი მეუღლეა.

ის გახლავთ მუჰამედის 41-ე თაობის პირდაპირი შთამომავალი, მაგრამ მის გარდა, რა ბედი ეწიათ დუბაის საამიროს მმართველის იმ ქალბატონებს, რომლებსაც მის ცხოვრებაში განსაკუთრებული ადგილი ეკავათ? მოდით უფრო მეტი გავიგოთ ამ ქალბატონების შესახებ: ჰინდ ბინტ მაქტუმ ბინ იუმა ალ-მაქტუმი შეიხის პირველი და მთავარი მეუღლეა. ის მისი ცხოვრების მეგზური 70-იანი წლების ბოლოს გახდა და ამ ქორწინებამ მათ 12 ზოგიერთი წყაროს თანახმად კი, 14 შვილი შესძინა. ჰინდი დუბაის საზოგადოებრივ ცხოვრებაში დღემდე რჩება პირველ ლედად.

რაც შეეხება რანდას, ეს ქალბატონი ჰინდამდე, მომავალ შეიხთან ახლო კავშირში იყო.

მათი ისტორია სავსეა ჭორებით რანდას უარყოფისა და საბოლოოდ, მისი სასახლიდან გაძევების შესახებ, რომელიც ქალიშვილის ნახვის შესაძლებლობასაც კი დღემდე მოკლებულია. ჰურია აჰმედ ალ მააში - ალჟირელი არისტოკრატი გახლავთ, რომელიც პრინცესების ლატიფას და შამსას დედა გახდა. ორივე გოგონამ მშობელთა დესპოტიზმის გამო სასახლიდან გაქცევა სცადა, რამაც მათი მისტიკური გაუჩინარება გამოიწვია.

ზოია - ევროპელია, რომელიც ჭორების თანახმად შეიხთან "დროებით" ქორწინებაში იმყოფებოდა. მათი დაშორების შემდეგ კი, ის ევროპაში დაბრუნდა, თუმცა გამორიცხული არ არის რომ მისი ეს დაბრუნება სწორედ შეიხის ფარული მხარდაჭერითაც განხორციელდა.

კითხვა იმასთან დაკავშირებით თუ რამდენად თავისუფლები არიან ეს ქალბატონები კვლავ ღიად რჩება, ვინაიდან "ოქროს გალიაშიც" კი საკუთარი ციხე-სიმაგრეები და საზღვრები არსებობს, სადაც თითოეული მათგანი ცხოვრებას საკუთარ რიტმში განაგრძობს, თუმცა აღმოსავლეთის ერთ-ერთი ყველაზე გავლენიანი ადამიანის ყოვლისმომცველი თვალის კონტროლის ქვეშ.