"ამ ადამიანთან აზრი არა აქვს სინდისზე, ნამუსზე, წესიერებაზე ლაპარაკს. ადამიანთან, რომელმაც პოლიტიკური პარტია იმის გამო დაარეგისტრირა, რომ სისხლის სამართლის კოდექსის წინაშე არ აგოს პასუხი, თორე მორალური კოდექსი ფეხებზე ჰკიდია. "ბიზნესის რეკეტში იყო ჩართულიო" თქვა ირაკლი კობახიძემ და მაშინვე აეწვა. რეკეტი ის კი არ არის ბეისბოლის "ბიტა" ურტყა ადამიანს და ქონება ისე წაართვა, რეკეტია როცა გამომძალველის "პადელნიკი" ხარ და დაპატიმრებულ ადამიანს ქონებას ციხეში შუაღამისას მიყვანილი ნოტარიუსის გვარად გინტურის დახმარებით შენს ბანკზე აფორმებინებ. რეკეტია, როცა ელიტ-ელექტრონიკსის დაპატიმრებული მეპატრონის, ანზორ ქოქოლაძის დასტურის გარეშე იფორმებ ამ დიდ ბიზნესს. რეკეტია როცა 49% გაქვს კრედიტზე დაწესებული (რომელიც არცერთ ენაზე არ ითარგმნება). და რეკეტზე უფრო ამორალური ქმედებაა, როცა შენი ბანკის სახელით ომში, სანგარში, ტყვიების წვიმაში მყოფ მებრძოლს ურეკავენ და სესხის დაფარვას აჩქარებენ. ანაკლიის პორტის თაღლითობაზე აღარაფერს ვიტყვი. მიდი და იჩივლე თუ თავი გაქვს. წესით უამრავმა ადამიანმა იქეთ უნდა გიჩივლოს, მაგრამ "პოლიტიკურ დევნას" ამოეფარები და ჩვეული თაღლითობით დროს გაწელავ. მიდი უჩივლე კობახიძეს. ხვალ ორშაბათია და სასამართლოები მუშაობენ".