შოტლანდიის პოლიცია განიხილავს მაღალტექნოლოგიურ სათვალეების შექმნას, რომელიც უზრუნველყოფს სახის ამოცნობას, ენის მყისიერ თარგმნას და ტუჩების მოძრაობის ამოკითხვასაც კი, ამის შესახებ წერს ბრიტანული ტაბლოიდი Daily Mail-ი.

Augmented Reality (AR) -ს ასევე შეუძლია აჩვენოს ინფორმაცია, როგორიცაა ადგილობრივი დანაშაულებების ბოლო მონაცემები და გააფრთხილონ ოფიცრები ისეთი საფრთხეების შესახებ, როგორიცაა ცეცხლსასროლი იარაღის არსებობა.

შოტლანდიის პოლიციის სამმართველომ (SPA) გუშინ დაამტკიცა 400 მილიონი ფუნტის ღირებულების გეგმა, „ციფრული ერთეულის“ შესაქმნელად, რომელიც განკუთვნილია კიბერდანაშაულთან საბრძოლველად და რომელთა რიგებში ათობით ოფიცერი გამოიძახეს .

ხელმძღვანელობამ აღიარა, რომ თანამშრომლები წლების განმავლობაში იყენებენ მოძველებულ ტექნოლოგიას არასაკმარისი დაფინანსების გამო, რამაც შეაფერხა სხეულზე დამაგრებული ვიდეოკამერების (BWV-body-worn video) დანერგვა, რაც აჩენს კითხვებს იმის შესახებ, თუ რამდენად სწრაფად შეიძლება ახალი გაჯეტების გამოყენება.

ჩინეთში პოლიციის ჭკვიანი სათვალე აღჭურვილია კამერით, რომელიც უერთდება სმარტფონის ტიპის მოწყობილობას, ამუშავებს ეჭვმიტანილის სახის ფოტოებს და აწვდის ინფორმაციას, როგორიცაა სახელი, ეროვნება, სქესი და მისამართებიც კი.

ჯერ კიდევ დაზუსტებულია, დანერგავს თუ არა შოტლანდიაში პოლიცია ასეთ უაღრესად ინოვაციურ მეთოდს, მაგრამ ექსპერტები ამბობენ, რომ ტექნოლოგია სწრაფად ვითარდება.

გუშინ ედინბურგში SPA-ს დირექტორთა საბჭოს სხდომაზე, ციფრული საინფორმაციო ტექნოლოგიების დირექტორმა ენდრიუ ჰენდრიმ წარადგინა ნაშრომი შოტლანდიის პოლიციის ციფრული გეგმის შესახებ: „განვითარებული ციფრული ტექნოლოგიების თვალსაზრისით, როგორიცაა, მაგალითად ხელოვნური ინტელექტი, მანქანათმცოდნეობა. და სახის ამოცნობა, მნიშვნელოვანია, რომ ისინი განიხილებოდეს ოპერატიულ პოლიციაში დასანერგად მხოლოდ მას შემდეგ, რაც ჩატარდება შესაბამისი მონაცემთა ეთიკური შეფასებები.“

SPA-ს თავმჯდომარემ მარტინ ევანსმა გუშინ განაცხადა, რომ დაუყოვნებელი პრიორიტეტია BWV-ის მასიურად გავრცელება, რადგან შოტლანდიის პოლიცია აღმოჩნდა ამ ტექნოლოგიის "გვიანი ამთვისებელი".