ომის დაწყებიდან დღემდე უკრაინის 14 რეგიონში 274 კულტურული ობიექტი დაზიანდა. ამის შესახებ იუწყება იუნესკო თავის რეპორტში, რომელიც 2023 წლის 31 ივლისს გამოაქვეყნა.

ივლისის ბოლოსთვის ცნობილია, რომ რუსეთ-უკრაინის ომის დაწყებიდან (2022 წლის 24 თებერვლიდან) დაზიანებულია 117 რელიგიური ობიექტი, 27 მუზეუმი, 98 ისტორიული შენობა, 19 ძეგლი, 12 ბიბლიოთეკა და 1 არქივი.

იუნესკოს რეპორტში წერია, რომ ორგანიზაცია კულტურული ფასეულობების ზარალის შეფასებას შეიარაღებული კონფლიქტის შემთხვევაში კულტურული ფასეულობების შესახებ 1954 წლის ჰააგის კონვენციის ფარგლებში ახორციელებს.

"

ყოველი ერის კულტურული ფასეულობებისთვის მიყენებული ზარალი არის ზარალი მთელი კაცობრიობის კულტურული ფასეულობებისთვის, რადგან ყოველ ერს თავისი წვლილი შეაქვს მსოფლიო კულტურაში" - წერია 1954 წლის კონვენციის შესავალში.

ფოტოზე: უკრაინის ოვრუჩის ეპარქიის ყოვლადწმინდა ღვთისმშობლის ეკლესია. აგებულია 1862 წელს. მდებარებს ჟიტომირის რაიონში, სოფელ ვიაზივკაში. რუსეთმა დაბომბა 2022 წლის მარტში.