ტატუირება ათასობით წელია არსებობს და ყოველთვის არ უყურებდნენ უარყოფითად. ზოგიერთ ხალხში ტატუ სიმბოლოა და წმინდად, საპატიოდ ითვლება დღესდღეობით, ბევრი ადამიანი განიხილავს ტატუს, როგორც ხელოვნების ნიმუშს ან როგორც გზას, რათა კიდევ უფრო მიმზიდველი გახდეს.
თუმცა, არიან ისეთებიც, რომლებიც ხედავენ ტატუების უსიამოვნო მხარეს. მათი აზრით, ტატუ უკავშირდება ციხის ცხოვრებას, ბანდებს, ნარკოტიკების მოხმარებას, რასისტულ ორგანიზაციებს და ა.შ. წარმოგიდგენთ ნაკლებად ცნობილ ფაქტებს, რომლებიც შესაძლოა არ იცოდეთ:
1. ტიროლის ყინულის კაცი, ასევე ცნობილი როგორც ოცი, არის უძველესი ტატუების მფლობელი, რომელიც ამშვენებს მის კარგად შემონახულ მუმიფიცირებულ სხეულს. მას აქვს შავი ჯვარი მარცხენა მუხლის შიდა მხარეს, ექვსი სწორი ხაზი ზურგზე და პარალელური ხაზები კოჭებზე, ფეხებსა და მაჯებზე.
რენტგენის ანალიზზე დაყრდნობით, მეცნიერებმა დაასკვნეს, რომ ტატუები გაკეთდა იმ ადგილებში, სადაც ოცის სახსრები სტკიოდა და, სავარაუდოდ, ისინი გამიზნული იყო ტკივილის შესამსუბუქებლად.
2. არქეოლოგებმა საფრანგეთში, პორტუგალიასა და სკანდინავიაში იპოვეს ხელსაწყოები, რომლებიც, სავარაუდოდ, ტატუსთვის გამოიყენებოდა. ისინი სულ მცირე 12 ათასი წლისაა, ანუ გაკეთდა ბოლო გამყინვარების პერიოდში.
სიტყვა "ტატუს" წარმოშობა
სიტყვა "ტატუ" მომდინარეობს პოლინეზიური სიტყვიდან "ტა", რომელიც აღწერს ხმას კანის გახვრეტის დროს. სიტყვა „ტატუს“ პირველი ხსენება ჩანს კაპიტან კუკის გემზე ნატურალისტი ჯოზეფ ბენქსის დოკუმენტებში. მანამდე ევროპელები ტატუებს „ტეგს“ უწოდებდნენ.
3. ტატუებს აკეთებდნენ პოლინეზიაში ევროპელების სამხრეთ წყნარ ოკეანეში ჩამოსვლამდე. ისინი ასევე ითვლება ყველაზე ოსტატურად ისტორიაში.
ტატუს მოცილების უძველესი მეთოდები მოიცავდა ღამის ქოთნის ძირიდან აფხეკილი ნარევის მასას, რომელიც შერეული იყო ძალიან ძლიერ ძმარში. ასევე ძმარში გარეული მტრედის სკინტლიც წარმოადგენდა ტატუს მოშორების საშუალებას.
4. მეცნიერებისა და ტექნოლოგიების მიღწევებმა ტატუს მოცილება უფრო ადვილი და ნაკლებად საზიზღარი გახადა. დღეს ლაზერული ქირურგია ითვლება ყველაზე ეფექტურ და პოპულარულ გზად ტატუების მოსაშორებლად.
ლაზერი აღწევს კანში და არღვევს ტატუს პიგმენტებს. ამრიგად, პიგმენტები ბუნებრივად გამოიყოფა სხეულის იმუნური სისტემის მიერ.
5. ბერძნებმა ტატუს გაკეთება სპარსელებისგან ისწავლეს. ისინი ძირითადად იყენებდნენ ტატუებს მონებისა და დამნაშავეების აღსანიშნავად, რათა გაქცევის შემთხვევაში მათი იდენტიფიცირება გაადვილებოდათ. რომაელებმა მიიღეს ეს გამოცდილება ბერძნებისგან და მათი მონებიც ამგვარად მონიშნეს.
6. საიდუმლო არ არის, რომ კალიგულა რომის ერთ-ერთი ყველაზე ექსცენტრიული იმპერატორი იყო. ის ხშირად ხალისობდა იმით, რომ თავის მსახურებს აიძულებდა ერთმანეთის მოხატვას.
7. 787 წელს რომის პაპმა ადრიან I-მა აკრძალა ნებისმიერი სახის ტატუ. თუნდაც კრიმინალებისთვის და გლადიატორებისთვის. მას შემდეგ თითქმის არაფერი იყო ცნობილი ტატუების შესახებ დასავლეთ ევროპის უმეტეს ქვეყნებში მე-19 საუკუნემდე.
8. ეგვიპტურ ხელოვნებაში და ქანდაკებებში მამაკაცებისა და ქალების გამოსახულებებში ჩანს დიზაინები, რომლებიც აშკარად ტატუა. თუმცა, დღემდე აღმოჩენილი ყველა ტატუირებული ეგვიპტური მუმია ქალია.
ეგვიპტოლოგები თვლიან, რომ ეს ნახატები იყო ნაყოფიერების, ქალწულობის და/ან ჯანმრთელობის სიმბოლო.
9. მე-18 საუკუნის შუა ხანებიდან მე-20 საუკუნის დასაწყისამდე ტატუები განსაკუთრებით პოპულარული იყო ინგლისის სამეფო კარზე. პროცედურა იმდენად ძვირი იყო, რომ მხოლოდ მდიდრებს შეეძლოთ ტატუს გაკეთება. მას შემდეგ, რაც ტატუ უფრო ფართოდ გახდა ხელმისაწვდომი, ცუდ ტონად ითვლებოდა მე-20 საუკუნის შუა ხანებში ტატუირების რენესანსამდე.
10. ადამიანი, რომელმაც გამოიგონა ტატუს აპარატი 1891 წელს, იყო ნიუ-იორკელი ტატუს მხატვარი, სახელად სამუელ ო'რეილი. მისი გამოგონების საფუძველი იყო ავტოგრაფიული პრინტერი - გრავიურის მანქანა, რომელიც გამოიგონა თომას ედისონმა.
11. შეერთებულ შტატებში, 2012 წლის კვლევის მიხედვით, ქალებს უფრო მეტი ტატუ აქვთ, ვიდრე მამაკაცებს (23% 19%-ის წინააღმდეგ). ამავდროულად, ქალები ორჯერ უფრო ხშირად იშორებენ ტატუს, ვიდრე მამაკაცები.
სტატისტიკის მიხედვით, თითქმის 45 მილიონ ამერიკელს აქვს მინიმუმ ერთი ტატუ მაინც. ამერიკელები ასევე უფრო მეტს ხარჯავენ ტატუზე, ვიდრე ნებისმიერი სხვა ქვეყანა, დაახლოებით 1, 65 მილიარდი დოლარი წელიწადში.
12. 1932 წელს ჩარლზ ლინდბერგ უმცროსის გატაცებამ ამერიკაში ბევრი მშობელი შეაშფოთა. ზოგიერთმა მათგანმა შვილებს ტატუც გაუკეთა, რათა დაკარგვის ან გატაცების შემთხვევაში მათი ამოცნობა შეძლებოდათ.
13. მსოფლიოში ყველაზე ტატუირებული ადამიანი არის გრეგორი პოლ მაკლარენი, ასევე ცნობილი როგორც Lucky Diamond Rich. ტატუ ფარავს მისი კანის 100%-ს, მათ შორის წინა ნაწილის, პირის ღრუს და ყურების შიდა მხარეს.
