"ყირიმი 2014 წლამდე და 2014 წლის შემდეგ. დიახ, უკრაინის არცერთმა ხელისუფლებამ ყირიმის განვითარებაში არ ჩადო არცერთი გრივნა, ის იყო ჩვეულებრივი კომუნისტური რეგიონი სამარცხვინო ინფრასტრუქტურით. ეს იყო უკრაინის სტრატეგიული შეცდომა, ცხადია, უკიდურესად კორუმპირებულ უკრაინას ყირიმისთვის არ ეცალა, "მაიდანმაც" მოუსწრო და რუსეთმა ყირიმი ჩაიგდო 1 რუბლად!!!

კატასტროფაა!!!

ახლაც, იმის ნაცვლად, რომ უკრაინის ხელისუფლებამ დიდი ძალისხმევა უნდა გასწიოს დრონების ასაგებად, 1 გრინვაც არ ჩადო ამაში (აქტივისტებს მიაბარა), სამაგიეროდ 37 მილიარდი გადარიცხა ოფშორულ ზონებში.

კატასტროფაა!!!

საქართველოსგან რა გინდათ მოღალატე, კორუმპირებულო და გარყვნილო უკრაინის ხელისუფლებავ?!"-წერს სოციალურ ქსელში მოქალაქე თამაზ ჩიხლაძე.

ყირიმში ადამიანის ცხოვრების უძველესი კვალი განეკუთვნება პალეოლითის ეპოქას. ძველი წელთაღრიცხვის I საუკუნის II ნახევარში ყირიმი დაიპყრეს რომაელებმა, ახალი წელთაღრიცხვის III-IV საუკუნეებში შეიჭრნენ სხვადასხვა მომთაბარე ტომები, IV-V საუკუნეებში კი ბიზანტიის ექსპანსიის ობიექტი გახდა. X საუკუნეში ყირიმის აღმოსავლეთი ნაწილი ტმუტარაკანის სამთავროს შემადგენლობაში მოექცა. XIII საუკუნეში ყირიმში თათარ-მონღოლები შეიჭრნენ და იქ ოქროს ურდოს ყირიმის ულუსი შექმნეს. XIII-XV საუკუნეებში ყირიმში გაჩნდა გენუელთა სავაჭრო ქალაქები, ოქროს ურდოს დაშლის შემდეგ, 1443 წელს წარმოიქმნა ყირიმის სახანო.

ხან მენლი I გირეის დროს ყირიმში შეიჭრა ოსმალეთის იმპერია, რომელმაც დაანგრია გენუელთა სავაჭრო კოლონიები ყირიმში. 1478 წლიდან ყირიმის სახანო ოფიციალურად გახდა ოსმალეთის ვასალი. XVI-XVII საუკუნებში ყირიმელი დიდი ფეოდალები თავს ესხმოდნენ რუსეთის, უკრაინის და პოლონეთის ტერიტორიებს, იტაცებდნენ ტყვეებს და მიჰქონდათ ნადავლი. რამდენჯერმე დაესხნენ თავს მოსკოვსა და ტულას. რუსეთის სამეფოს მთავრობამ მოაწყო თავდაცვის ხაზი, მაგრამ ვერ აღკვეთა ყირიმელ თათათა თავდასხმები. 1687-1689 წლებში მოეწყო ყირიმის ლაშქრობები, მაგრამ უშედეგოდ. 1774 წელს ქუჩუქ-კაინარჯის ზავით ყირიმის სახანო ოსმალეთს ჩამოშორდა და რუსეთის მფარველობაში შევიდა. 1783 წელს იგი რუსეთის იმპერიამ შეიერთა.

მეორე მსოფლიო ომის დროს ყირიმში მძიმე ბრძოლები მიმდინარეობდა. აქ იბრძოდნენ პარტიზანული რაზმები, იატაკქვეშა ორგანიზაციები. 1944 წლის მაისში ყირიმი გაათავისუფლა წითელმა არმიამ. 1954 წელს ყირიმის ოლქი რსფსრ-ის შემადგენლობიდან გამოვიდა და გადაეცა უკრაინის საბჭოთა სოციალისტური რესპუბლიკას.

2014 წლის კრიზისის შემდეგ, რუსეთმა ნახევარკუნძულის ანექსია მოახდინა. ქვეყნების უმრავლესობა კვლავ მიიჩნევს ყირიმს უკრაინის შემადგენელ ნაწილად.