საპარლამენტო ოპოზიციის ერთ-ერთი ლიდერი ხატია დეკანოიძე პარლამენტის სხდომაზე პოლიტიკური განცხადებების ფორმატში გამოსვლისას საუბრობს იმ შესაძლებლობაზწე, რომელიც რუსულ ავიაკომპანია აზიმუტს აქვს განხორციელებული და რომლის შესწავლაც საერთაშიორისო სამართლის დონეზე მიმდინარეობს.

„ის ავიაკომპანია, "აზიმუტი", რომელმაც მოითხოვა და მიიღო ნებართვა საქართველოს ხელისუფლებისგან, რომ მათი თვითმფრინავები დაეშვან თბილისის, ბათუმის და ქუტაისის აეროპორტებში, დასანქცირებულია უკრაინის ანტიკორუფციული სააგენტოს მიერ, ამ ავიაკომპანიის კავშირები შესწავლას ექვემდებარება ამერიკის კომერციის დეპარტამენტის მიერ, ძალიან სერიოზულ ინფორმაციას ვგულისხმობ, რომ ავიაკომპანიას შესაძლებელია გამოყენებული ჰქონდეს საკუთარი ავიახაზები არა მხოლოდ ადამიანების, არამედ ტექნოლოგიებისა და სამხედრო ტვირთების გადატანის მიმართულებით, სწორედ ამიტომ გვაფრთხილებენ ჩვენი პარტნიორები, რომ იმ შემთხვევაშიო, თუ საქართველოს ყველა მნიშვნელოვანი აეროპორტი - თბილისი, ქუთაისი, ბათუმი მომსახურებას გაუწევს საწვავის ან ტექნიკური აღჭურვილობის კუთხით, დიდი ალბათობაა და შესაძლებელია, სანქცირებული ავიახაზების მირების შემთხვევაში, ეს აეროპორტები დასანქცირდნენ. პრინციპში, გასაგებია საქართველოს ხელისუფლების პოზიცია, რომელიც მიესალმა რუსეთთან ავიამიმოსვლის აღდგენას, განსაკუთრებით იმ დროს, როდესაც კანდიდატის სტატუსია მისაღები. ეს არის საქართველოს მოქალაქეების ნების უგუილებელყოფა, და პრაქტიკულად, ეს არის საბოტაჟი“, - განაცხადა ხატია დეკანოიძემ.

მეორე საკითხი, რომელზეც ყურადღება გაამახვილა დეპუტატმა, ნიკა გვარამიას უკანონი პატიმრობას ეხება.

„ ერთი წელი გავიდამ, მას შემდეგ, რაც კანდიდატის სტატუსის მირების წინ ნიკა გვარამია იქნა დაპატიმრებული, პრაქტიკულად, უსაფუძვლოდ, ყოველგვარი სამართლებრივი საფუიზვლის გარეშე და მინდა ყველას, განსაკუთრებით, ჩვენს მოქალაქეებს შევახსენო ჩვენი არასამთავრობო სექტორის, ჩვენი პარტნიორების მიერ გაჟღერებული ინფორმაცია: საქართველოში ბოლო 2 წლის განმავლობაში არსებობს მაღალი დონის კორუფციის 109 შემთხვევა, რომელშიც დაახლოებით 127 მაღალი რანგის თანამდებობის პირი მონაწილეობს, აქედან 13 მოსამართლეა, და თქვენ იცით, რომ მოსამართლეები დასანქცირებული არიან ზუსტად კორუფციის გამო იუსტიციის უმაღლეს საბჭოში ყველა ის ადამიანი, რომელიც კლანს წარმოადგენს; აქედან პარლამენტის წევრია 19, მთავრობის წევრია 28“, განაცხადა ხატია დეკანოიძემ.