დაახლოებით 25 განმეორებადი სწრაფი რადიო-სიგნალები დააფიქსირეს ტორონტოს უნივერსიტეტის 57 ასტრონომმა, რომლებიც მუშაობდნენ კანადურ რადიოტელესკოპთან Canadian Hydrogen Intensity Mapping Experiment. მათი რიცხვი იზრდებოდა 2018 წლიდან, როდესაც მხოლოდ ერთი განმეორებადი სიგნალი იქნა აღმოჩენილი წყაროდან კოდირებული სახელწოდებით FRB 180916. იმის მერე მრავლდება თავად სიგნალების რაოდენობაც, რომლებმაც ფაქტიურად დაიწყო შემოსვლა ყველა მხრიდან.

მათ იჭერენ არა მხოლოდ CHIM-დან, არამედ სხვა რადიოტელესკოპების მრავალი ანტენით, რომლებიც დამონტაჟებულია მთელ მსოფლიოში. მხოლოდ FAST-მა (Five-hundred-meter Aperture Spherical radio Telescope)(ხუთასი მეტრიანი დიაფრაგმის სფერული რადიოტელესკოპი) რომელიც მდებარეობს ჩინეთში, 2021 წელს რამდენიმე დღეში მიიღო 1800 FRB სიგნალი. ხოლო, ერთი წლით ადრე 1650 რადიოსიგნალი "მოვიდა". ვარსკვლავური ცა ფაქტიურად ივსებოდა იდუმალი ბუნების რადიოსიგნალებით. ჩინეთის გარდა, სიგნალებს იჭერენ მრავალი სხვა უდიდესი რადიოტელესკოპით. ავსტრალიის Australian Square Kilometre Array Pathfinder (ASKAP), ასევე, ძალიან დიდი ევროპული European Very Long Baseline Interferometry Network -ის საბაზისო რადიოტელესკოპი.

ბოლო აქტივობა საგანგაშოა. დედამიწელები სრულიად გაუგებრობაში არიან, არ იციან რა არის ეს. ყოველივე ამის შემდეგ, ასტრონომები ჯერ ვერ ხსნიან რადიოსიგნალების წყაროს. შეიძლება ისინი, საბოლოო ჯამში, აღმოჩნდნენ ერთგვარი ეგზოტიკური ობიექტები. ჯერჯერობით, დღემდე არცერთ ცნობილ კოსმოსურ ობიექტს არ შეუძლია დამოუკიდებლად წარმოქმნას ასეთი უცნაური სიგნალები.

რადიოსიგნალები მეტად უცნაურია. მათი ხანგრძლივობა განსხვავებულია -გრძელდება მილიწამის წილადიდან რამდენიმე წამამდე. ზოგიერთი ცვლის სიხშირეს. სხვები, "გადაცემის" დაწყებიდან ასჯერ ზრდიან თავიანთ ძალას, აგზავნიან სიგნალებს სხვადასხვა მიმართულებით. ზოგი პოლარიზებულია, ზოგი არა. წყაროების უმეტესობა ჯერჯერობით მხოლოდ ერთხელ მოდის და შემდეგ თითქოს ქრება უკვალოდ, თუმცა, არასამუდამოდ. კანადელმა მეცნიერებმა გამოავლინეს ეს გამქრალი "ერთჯერადი" რადიოსიგნალები განმეორებით თვეების და წლების შემდეგ.

ბევრი საკმაოდ სერიოზული ასტრონომი არ გამორიცხავს, რომ სიგნალები ხელოვნური წარმოშობისაა. ანუ ისინი მოწმობს მაღალგანვითარებული არამიწიერი ცივილიზაციების ერთგვარ ტექნოლოგიურ აქტივობაზე.

ჰარვარდ-სმითსონის ასტროფიზიკის ცენტრის მეცნიერები, ავი ლოების ხელმძღვანელობით, აცხადებენ, რომ წყარო შეიძლება იყოს ჩვენი დედამიწის ზომის ან თუნდაც უფრო დიდი ხელოვნური გადამცემები. მეცნიერები თვლიან, რომ უცხო გონი მოკლე და მძლავრ იმპულსებს უგზავნის თავიანთ ვარსკვლავურ ხომალდებს, რომლებიც აღჭურვილია შესაბამისი მიმღებით.

თუ ეს ასეა, მაშინ ამ ბოლო დროს უცხოპლანეტელები ბევრად გააქტიურდნენ. სად და რატომ? იქნებ ომობენ? ყოველივე ამის შემდეგ, არსებობს ასევე არანაკლებ იდუმალი გამა-სხივების ტალღები (GRB) - წარმოუდგენელი ძალის და ლეტალური ძალის რენტგენის სხივები, რომლებიც მოდის, ისევე როგორც FRB სიგნალები სამყაროს სიღრმიდან. მეცნიერებს უჩნდებათ კითხვა, რომელი ობიექტები წარმოქმნიან მიმართულ ენერგეტიკულ იმპულსებს, რომელთა წყაროები სიძლიერით მხოლოდ დიდ აფეთქებას ჩამორჩებიან? რამდენიმე წამში ისინი გამოყოფენ იმდენ ენერგიას, რამდენსაც მზე გამოიმუშავებს მილიარდობით წლის განმავლობაში. მეცნიერები არ გამორიცხავენ, რომ დედამიწა დროდადრო აღმოჩნდეს ცეცხლის ხაზში, რომელსაც აწარმოებენ მეომარი უცხოპლანეტელების საბრძოლო სადგურები.

ცოტა ხნის წინ, 2022 წლის 9 ოქტომბერს, დაკვირვების ისტორიაში ყველაზე მძლავრი რადიოსიგნალი დაფიქსირდა. მას ეწოდა BOAT «Brightest Of All Time», "ყველა დროის ყველაზე ნათელი". წყარო მდებარეობდა ისრის თანავარსკვლავედში, ჩვენი პლანეტიდან 2, 4 მილიარდი სინათლის წლის მანძილზე, მაგრამ რადიაციამ, რომელმაც ჩვენამდე მოაღწია, ატმოსფეროს ზედა ნაწილში არეულობა გამოიწვია.

იქნებ უცხოპლანეტელები ფიქრობენ მხოლოდ FRB-სა და GRB-ის მეშვეობით დაამყარონ ურთიერთობა? ზოგიერთ ასტრონომს სჯერა, რომ სიგნალები ატარებენ რაიმე სახის ინფორმაციას, თუმცა, მეცნიერები ამას ჯერ კიდევ ვერ ხსნიან.