კირკოროვს ხომ არ ჩამოვრჩებიო და ბასკოვმა თაყვანისმცემელ ქალს ბიუსტი დაუკოცნა საჯაროდ
2023, 28 აპრილი, 20:36
რუსულ შოუბიზნესში ისეთი რამეები "მოსულა", რაც ნორმალურ საზოგადოებაში მიუღებელია, გახსოვთ ალბათ ფილიპ კირკოროვის საქციელი სცენიდან მაყურებლებში ჩასვლისას როცა ერთერთ თაყვანისმცემელ გოგოს ეცა და ბიუსტზე საკმაოდ მტკივნეულად უფათურა ხელები. აბა ნიკოლაი ბასკოვი კირკოროვს ხომ არ ჩამორჩებოდა (რომელთა შორის კარგა ხანია შავმა კატამ გაირბინა, მაგრამ საზოგადოებაში ამას არ იმჩნევენ), შუა კონცერტის დროს მაყურებლებს შეერია და ერთ საკმაოდ შთამბეჭდავ ბიუსტიან თაყვანისმცემელ ქალს ბიუსტჰალტერისაგან თავისუფალი, ქსოვილის თხელ ნაჭერში გამოკვეთილი ბიუსტი დაუკოცნა, თან მოფერებას მიჩვეულ კატასავით მილულა თვალები, ხოლო ქალი ისე გაახარა ბასკოვის ქმედებამ პირი რომ გააღო დიდხანს არ დაუხურავს, თან დაქალების მოწონების გამომხატველმა ჟესტებმა გაამხიარულა და სიხარულით ლამის სცენაზე აიჭრა.
ბასკოვისათვის ამგვარი ქმედება პირველი არაა და დარწმუნებული ვარ არც უკანასკნელი იქნება. ბასკოვმა ერთერთ კონცერტზე შანსონის დედოფალი ლუბოვ უსპენსკაია ისე ჩაკოცნა, რუსულ პრესაში ეგრევე მოყვა გამოხმაურება მათ რომანზე.
ბასკოვის გუნდის წარმომადგენლების თქმით, ქალს არანაირი წინააღმდეგობა არ გაუწევია ბასკოვისათვის, არც ძალადობას ჰქონია ადგილი, შესაბამისად ამ აქტს არანაირი გართულება არ უნდა მოჰყვეს!
