ინტერნეტში პენტაგონის საიდუმლო ფაილების ახალი პარტიამ გაჟონა. The New York Times-ის (NYT) ცნობით, სულ ასამდე დოკუმენტია გამოქვეყნებული, რომლებიც ავლენს შეერთებული შტატების პოლიტიკის მოტივებს უკრაინის, ახლო აღმოსავლეთისა და ჩინეთის მიმართ. მათ შორის არის საჰაერო თავდაცვის ქსელის შექმნის გეგმა.

ეს უკვე მეორე გაჟონვაა ბოლო ორი დღის განმავლობაში. ერთი დღით ადრე გამოქვეყნებულ დოკუმენტებში არის ინფორმაცია იმის შესახებ, თუ როგორ ეხმარებიან შეერთებული შტატები და მოკავშირეები კიევს კონტრშეტევის მომზადებაში. ეს დოკუმენტები მოიცავს იარაღის მოსალოდნელი მიწოდების განრიგის ფოტოებს, ჯარების და ბატალიონების რიცხოვნებას.

დაზვერვის მაღალჩინოსნებმა გაჟონვას უწოდეს "ხუთი თვალის კოშმარი", რაც გულისხმობს შეერთებულ შტატებს, დიდ ბრიტანეთს, ავსტრალიას, ახალ ზელანდიას და კანადას.

პენტაგონის ყოფილმა მაღალჩინოსანმა მიკ მალროიმ გაზეთს განუცხადა, რომ გასაიდუმლოებული დოკუმენტების გაჟონვა წარმოადგენს უსაფრთხოების მნიშვნელოვან დარღვევას, რამაც შეიძლება ხელი შეუშალოს უკრაინის სამხედრო გეგმებს.

„რადგან ბევრი დოკუმენტი, რომელიც გამოქვეყნდა, იყო ქაღალდების ფოტოასლი, როგორც ჩანს, ეს იყო მიზანმიმართული გაჟონვა, რომელსაც სურს ზიანი მიაყენოს უკრაინის, აშშ-სა და ნატოს ძალისხმევას“, - თქვა მან.

NYT-ის ჟურნალისტები ესაუბრნენ ანალიტიკოსებს, რომლებიც თვლიან, რომ ასეთმა გაჟონვამ შეიძლება უზარმაზარი ზიანი მიაყენოს შეერთებულ შტატებს. ექსპერტების აზრით, ზოგიერთი დოკუმენტი არა მხოლოდ საიდუმლოა, არამედ არ არის განკუთვნილი სხვა სახელმწიფოებისათვის გადასცემად, მათ შორის აშშ-ს მოკავშირეებისთვისაც კი. თუმცა, არსებობს მოსაზრება, რომ "გაჟონვის სანდოობა დაბალია" და "მედიაში პუბლიკაციები და თეთრი სახლის შეშფოთება პენტაგონის მიმართ" მხოლოდ ფანდია "ყურადღების გადასატანად".

ნუ უგულებელყოფთ იმ ფაქტსაც, რომ დოკუმენტებში მოცემული ინფორმაცია შეიძლება ნაწილობრივ იყოს სიმართლე. დეზინფორმაცია, გაყალბება არის ერთ-ერთი მეთოდი, რომელსაც სახელმწიფო იყენებს ფრონტზე რეალური სიტუაციის დამახინჯების მიზნით. ამიტომ, დოკუმენტებში წარმოდგენილი ყველა ინფორმაცია მოითხოვს ფრთხილად შემოწმებას.

გამოცემა, ჯო ბაიდენის ადმინისტრაციის მაღალჩინოსნებზე დაყრდნობით, წერს, რომ პენტაგონი სწავლობს არსებულ ვითარებას და პენტაგონმა დაიწყო გამოძიება იმის გასარკვევად, თუ ვინ შეიძლება იდგეს დოკუმენტების გაჟონვის უკან.

უკრაინის პრეზიდენტის ზელენსკის მრჩეველმა, მიხაილ პოდოლიაკმა, თავის მხრივ, გამოქვეყნებულ მონაცემებს „ფოტოშოპი“ უწოდა, ხოლო მათ გამოქვეყნებას „ფსევდო გაჟონვა“. ”ნამდვილი გეგმები, - ირწმუნება ის, მალე გამოჩნდება ბრძოლის ველზე.

მომხდარზე ისაუბრა რუსეთის პრეზიდენტის პრესმდივანმა დიმიტრი პესკოვმაც. კრემლის წარმომადგენლის თქმით, რუსეთი აკვირდება მონაცემთა გაჟონვის საქმის გამოძიების პროცესს, მაგრამ ეს სპეცოპერაციის შედეგზე არანაირად არ იმოქმედებს.