ნიკოლოზ ბასილაშვილის ყოფილმა მეუღლემ, მოდელმა ნეკა დოროყაშვილმა ექსტრემალურ გართობის საშუალებას მიმართა და ქალაქ დუბაის ზიპლაინით გადაუფრინა და ქალაქის უმშვენიერესი ხედებით დატკბა.ამ ამბის ამსახველი ვიდეო დოროყაშვილმა "ინსტაგრამზე" გამოაქვეყნა, რომელსაც 2500-მდე "მოწონება" აქვს, გამომწერები გაკვირვებულები არიან, თუ როგორ გარისკა ნეკამ ასეთი რამ:

"ძალიან მაგარი თავგადასავალია"

"ვაიმეეეე ეს როდის ქენი"

"ასეთი საოცარი გამოცდილება"

"ეს ყოველთვის შეუძლებელი ჩანს, სანამ შენ თვითონა არ გააკეთებ"

"დაუჯერებელია, რა ძლიერი ხარ"

"დუბაის გადაუფრინა"

"მეც ნამდვილად მინდა ეს ვცადო"

შეგახსენებთ, რომ Ზიპლაინი (Zip Line) გაჭიმულ ფოლადის კაბელზე თავისუფლად მოძრავი როლერია, რომლითაც შესაძლებელია ერთი პუნქტიდან მეორე პუნქტამდე უსაფრთხოდ დაშვება.

ყველაზე მაღალი ზიპლაინი 1300 მეტრი სიგრძით მდებარეობს საფრანგეთის სათხილამურო კურორტ Val Thorens-ში და გადის ზღვის დონიდან 3250 მეტრზე (დასაწყისი) 3000 (ფინიში) მეტრ სიმაღლეზე. დაშვების სიჩქარე 1 წუთი და 45 წამი არის, რაც 60-100 კმ/სთ.-ის ეკვივალენტია.

მსოფლიოში ყველაზე გრძელი სტაციონარული ზიპლაინი კი არის ჯებელ ჯეისის მთაზე რას ალ ხაიმას საამიროში-2830 მეტრი (არაბთა გაერთიანებული საამიროები).

საქართველოში დღეისთვის მოქმედი 18 ზიპლაინია და ყველაზე დიდი 1200-მეტრიანი ზიპლაინი, თბილისში მდებარეობს, რომელიც კუს ტბიდან ვაკის პარკში ეშვება.