ჟურნალისტი ელისო კილაძე სოციალური ქსელის საშუალებით მის გვერდზე წერს ამგვარ შეტყობინებას:

"ალბათ, ბევრი ხართ ჩემნაირი-დილა თენდება, შიშით ვხსნი ტელეფონს, ღამის მესიჯებს ჩამოვუვლი, ფბ-ს ჩამოვსქროლავ და შვებით ამოვისუნთქავ-ცოცხალია.

#მიშაუნდაგადარჩეს".

მოგეხსენებათ, უკვე რამდენიმე თვეა ქვეყნის მესამე პრეზიდენტი კლინიკაში იმყოფება.

აგრეთვე, რამდენიმე დღის წინ გახდა ცნობილი ამერიკელი ექსპერტებისგან, რომ მიხეილ სააკაშვილის ორგანიზმში აღმოჩენილ იქნა მძიმე მეტალების: დარიშხანისა და ვერცხლისწყლის არსებობა.

დღეს დედაქალაქში მიხეილ სააკაშვილის მდგომარეობასთან დაკავშირებით აქციები იმართება.

საქართველოს მესამე პრეზიდენტის მხარდამჭერები "ქართული ოცნების" ოფისთან შეიკრიბნენ.

როგორც "მთავრი არხი" იუწყება, მათი მოთხოვნა მდგომარეობს შემდეგში:

"აქციის მონაწილეების მთავარი მოთხოვნა მიხეილ სააკაშვილის საზღვარგარეთ სამკურნალოდ გადაყვანაა. აქცია ენმ-ის წევრმა, ლევან ხაბეიშვილმა დააანონსა.

ოჯახის, ადვოკატებისა და ექიმების ინფორმაციით, მისი მდგომარეობა მძიმეა. "