პროფესიით პედაგოგ ხათუნა პავლიაშვილს მანქანის მართვა ყოველთვის უყვარდა, მაგრამ ერთხელაც გადაწყვიტა, სუსტი სქესის მიმართ საზოგადოებაში დამკვიდრებული მითი დაემსხვრია და თბილისის საქალაქო კომპანიაში ავტობუსის მძღოლის პოზიციაზე განაცხადი შეიტანა. ჯერ 8-მეტრიანი ავტობუსი ჩააბარეს, მერე გადამზადება გაიარა და 12-მეტრიანი ავტობუსის მართვას დაეუფლა. მისი დილა 5 საათზე იწყება, ოჯახის წევრებზე ზრუნავს, თავს იწესრიგებს და შემდეგ საზოგადოებრივი ტრანსპორტის მგზავრებს ემსახურება.

დიდი ხანია მძღოლია და ყოველთვის უყვარდა მანქანის მართვა. ამიტომ გადაწყვიტა, მძღოლობა საზოგადოებრივ ტრანსპორტზეც გამოეცადა. ავტობუსში კონდუქტორად მუშაობდა. შემდეგ გაიგო, რომ ევროპის რეკონსტრუქციისა და განვითარების ბანკისა და მსოფლიო ბანკის დაფინანსებით გამოცხადდა პროექტი, რომლის ფარგლებშიც, მძღოლი ქალების გადამზადება იწყებოდა. "ბე კატეგორიის" მართვის მოწმობისთვის შესაბამისი სწავლება გაიარა. მოემზადა, გაიარა ეს კატეგორია, ავტობუსის ტარება ასწავლეს და შემდეგ შეიტანა განაცხადი თბილისის სატრანსპორტო კომპანიაში. მასთან ერთად სხვა ქალებიც იყვნენ.

საზოგადოების დამოკიდებულება მის მიმართ ძალიან დადებითია და დიდი მუხტი მოდის. რაც საქმის კარგად შესრულებაში ძალიან ეხმარება.