კონფლიქტები უკრაინელებს ტყვედ ჩაუვარდათ რუსი სამხედრო მედდა, რომელიც მისი თქმით, ქმრის ნაცვლად წავიდა ომში 2022, 16 ოქტომბერი, 19:14 რუსი სამხედრო ტყვე ქალები პირველად არ ხვდებიან უკრაინელების ხელში, ბევრად ადრე რუსი სნაიპერი ქალი საძახისით "ბაგირა" ჩაუვარდათ უკრაინელებს ხელში.
ამჯერად უკრაინელების ხელში აღმოჩნდა სამხედრო მედდა ვორონეჟიდან, ანა ლეგის ასული ბაბიცკაია. მედდა საბრძოლო დავალებაზე გასულ რუსი ოკუპანტების ჯგუფთან ერთად აიყვანა ტყვედ უკრაინულმა სადაზვერვო-დივერსიულმა ჯგუფმა. ბაბიცკაიას თქმით სამხედრო კომისარიატში თავადვე მივიდა რათა ქმრისთვის ჯარში გაწვევა აერიდებინა, თავად კი იმედოვნებდა რომ როგორც მედდას წინახაზზე ყოფნა არ მოუწევდა, თუმცა შეცდა. მისი თქმით მას ბრძოლებში არასდროს მიუღია მონაწილეობა, თუმცა ფაქტი სხვაზე მეტყველებს, სამხედრო მედდა სამედიცინო დახმარების საშუალებების გარეშე სრული საბრძოლო ამუნიციით დააკავეს და ბლოკნოტშიც უპოვეს ჩანაწერი: "მივდივარ უკრაინაში, რათა მაგრად დავცხო უკროპებს". ბაბიცკაია ბრძოლის ველზე, რომ მოეკლათ მისი ქმარი ახალ "ლადას" მიიღებდა, ახლა კი მოუწევს ტყვედ მყოფი ცოლის დაბრუნებაზე იზრუნოს. 372 5-ს მოსწონს |