ჭიდაობა 'მართლა ფურთხის ღირსია საქართველო თუ იაფფასიან ემოციებზე გათვლილი პოსტი და ფოტო?" 2022, 8 ოქტომბერი, 11:06 წუხელ სოციალურ ქსელში გამოქვეყნდა ილია მოლაშვილის ემოციური პოსტი ლევან თედიაშვილზე ფოტოსთან ერთად, რომლის თქმითაც ლეგენდარული ფალავანი ყველასგან და მათ შორის "სახელმწიფოსგან მიტოვებულია":
"მართლა ფურთხის ღირსი ხარ შენ საქართველოვ!ლოგინზე მწოლეარე ადამიანი იცანით ვინ არის?!სახელმწიფოსგან მიგდებული, ყველასგან მიტოვებული ლევან თედიაშვილი... დიახ! ლევან თედიაშვილია...დაუცველი, უსუსური, გაუბედურებული, ადამიანი-ლეგენდა. მასთან ნაცნობობით, თუ მეგობრობით ყველა ვამაყობდით. ამ სიტყვების შეგრძნება და თქმა მხოლოდ ლევან თედიაშვილს შეუძლია. ნოდარ კირკიტაძემ იპოვა. დღეს ის პატრონობს. კახა, Kakha Kakhishvili დარწმუნებული ვარ, ამ პოსტს უყურადღებოდ არ დატოვებ.მე მჯერა შენი! Kakha Kaladze კახა კალაძე, ლევან თედიაშვილი, სხვათაშორის, თბილისის საპატიო მოქალაქეა... გამოფხიზლდით!საით მიგყავთ ქვეყანა?P S არ მინდოდაა ლევანის პირადს შევხებოდი. კომენტარები მაიძულებს დავწერო, რომ ლევანი ცოლთან უკვე დიდი ხანია არ ცხოვრობს" - წერს მოლაშვილი. თუმცა მსგავსი პოსტი საკმაოდ გადაჭარბებული ჩანს და პირველ რიგში, სავარაუდოდ ამცირებს და შეურაცხყოფს ლეგენდარულ ფალავანს, მოჭიდავის პირადი ურთიერთობების სხვა საკითხია, მაგრამ სახელმწიფოსგან მისი მიტოვება დიდი უსამართლობა იქნება, დღეს 74 წლის ყოფილი მოჭიდავე იღებს პენსიას სპორტიდან- 2000 ლარის ოდენობით, ამის გარდა პენსია აქვს დანიშნულია პირადად ბიძინა ივნიშვილის ქართუ ფონდიდან 3000 ლარის ოდენობით და ამის გარდა ლეგენდარულ ფალავანს აქვს პენსია პარლამენტიდამ, როგორც ორი მოწვევის დეპუტატი. შეგახსნებეთ, ლევან თედიაშვილი არის ოლიმპიური თამაშების 2-გზის ჩემპიონი (1972, 1976) ჭიდაობაში, მსოფლიოს 4-გზის (1971, 1973, 1974, 1975) და ევროპის 3-გზის ჩემპიონი (1974, 1976, 1978). მსოფლიო თასის მფლობელი (1973). ასევე მსოფლიო ჩემპიონი სამბოში (1973)., 1973 წელს იგი დასახელდა საბჭოთა კავშირის საუკეთსო სპორტსმენად. ვახტანგ გორგასლის II ხარისხის ორდენის, საერთაშორისო ოლიმპიური კომიტეტის, ფილას, ღირსების ორდენების კავალერი, თბილისის საპატიო მოქალაქე. 1987 წელს ერთ-ერთი მთავარი როლი ითამაშა რეჟისორ გიორგი შენგელაიას ფილმში „ხარება და გოგია“. მეორე მთავარი როლი ლეგენდარულ მოჭიდავეს ერგო ლევან კოღუაშვილის სულ ახლახან გადაღებულ ფილმში"ბრაიტონი 4", რომელიც "ოსკარის" ნომინანტი იყო. 289 2-ს მოსწონს
|