რას ნიშნავს ეს? დახმარებას თუ მოსყიდვას? მოსახლეობასთან გასაუბრებით გაირკვა, რომ გამგებელი ღვინოს ურიგებდა სოფლის მაცხოვრებლებს.

დუშეთის მუნიციპალიტეტის სოფელ ბულაჩაურში, სოფლის რწმუნებულის ქეთევან ქავთარაძის სახლიდან მოსახლეობას ღვინოს ურიგებდნენ. ღვინოს თან ერთვოდა „ნაციონალური მოძრაობის“ სარეკლამო კალენდარი. როგორც სოფლის რწმუნებულმა, ქალბატონმა ქეთევან ქავთარაძემ ინფო9-სთან საუბარში განმარტა, შავი ღვინით სტიქიით დაზარალებულ მოსახლეობას ეხმარებოდნენ. მან უარი განაცხადა ჟურნალისტებთან საუბარზე და დაკონკრეტებისგან თავი შეიკავა, მხოლოდ აღნიშნა, რომ გამგეობა ეხმარებოდა სოფლის მოსახლეობას. „ინფო9“-ის გამოჩენის შემდეგ „ნაციონალური მოძრაობის“ სარეკლამო კალენდრის დარიგება შეწყვიტეს. ეს მასალა ინფო9-ის მიერ არის გადაღებული. მაინც რად შეიძლება ჩაეთვალოს მთავრობას მისი ეს საქციელი წინასაარჩევნოდ?