ცნობილი იტალიელი მყვინთავი ენცო მაიორკა სირაკუზის მახლობლად ზღვაში იმყოფებოდა თავის ქალიშვილ როსანასთან ერთად.

ჩაყვინთვისას იგრძნო, რომ რაღაც მსუბუქად შეეხო მის ზურგს. შებრუნდა და დაინახა დელფინი. მამაკაცი მიხვდა, რომ ის სათამაშოდ არ იყო მოსული, დელფინი რაღაცის თქმას ცდილობდა.

ცხოველმა სიღრმეში ჩაყვინთა, ენცო კი მას თან გაჰყვა. დაახლოებით 15 მეტრის სიღრმეზე კიდევ ერთი დელფინი დაინახა, რომელიც მიტოვებულ ბადეში გახვეულიყო.

მაიორკამ ქალიშვილს სთხოვა მყვინთავის დანა მიეცა მისთვის. რამდენიმე წუთში შეძლეს დელფინის განთავისუფლება, რომელიც უკანასკნელ ძალებს იკრეფდა.

დელფინს შეუძლია წყლის ქვეშ 10 წუთამდე გაძლება, შემდეგ კი იძირება. გათავისუფლებული, ჯერ კიდევ გაოგნებული დელფინი ენცო, როსანისა და კიდევ ერთ დელფინთან ერთად წყლის ზედაპირზე ამოიყვანეს. შემდეგ კი მოულოდნელად გაირკვა, რომ განთავისუფლებული დელფინი ფეხმძიმედ იყო, მან რამდენიმე წამის შემდეგ იმშობიარა.

დელფინმა-მამამ წყალში წრე მოხაზა, ენცოსთან მიცურა , ლოყაზე შეეხო (კოცნის მსგავსად) - მადლიერების ჟესტი...

ყოველივე იმის შემდეგ, რაც მოხდა, ენცომ თქვა: "სანამ ადამიანი არ ისწავლის ბუნების პატივისცემას და ცხოველთა სამყაროსთან საუბარს, ის ვერასოდეს გაიგებს თავის ნამდვილ როლს დედამიწაზე!"

ეს ამბავი 2009 წელს მოხდა.