15 წლიდან აქტიური მწეველი ვიყავი. 6 წლის განმავლობაში ჩემი დამოკიდებულება სიგარეტის მიმართ დღითიდღე იზრდებოდა და საბოლოოდ ყოველდღიურად 2 კოლოფ სიგარეტს მოვიხმარდი. ამ 6 წლის განმავლობაში არაერთი მცდელობა მქონდა სიგარეტისათვის თავი დამენებებინა. ყველაზე დიი 10 დღე გავძელი. გაზეთსა თუ ინტერნეტში ამოკითხული რჩევები სრული სისულელეა !!
ყველაზე ხშირად ადამიანები გვთავაზობენ შევამციროთ ყოველდღიურად ნიკოტინის რაოდენობა, რაც საბოლოოდ თავის დანებებაში დაგვეხმარება. ასევე გვთავაზოვენ პირველი დღეები არამწეველთა გარემოში გავატაროთ. ჩავანაცვლოთ სიგარეტი სხვადასხვა საშუალებებით, მაგალითად მზესუმზირითა თუ საწუწნი კანფეტებით. დამიჯერეთ ყველა ეს მცდელობა გამოცდილი მაქვს მაგრამ შედეგი არც ერთს ჰქონია.

დღეს 1 წელი გახდა რაც ერთი ღერიც კი არ მომიწევია. უბრალოდ 13 სექტემბრის საღამოს როდესაც ბოლო ღერი სიგარეტი მოვწიე ჩემს თავს ვუთხარი, რომ ხვალიდან აღარ მოვწევდი და ეს გადაწყვეტილება იყო მტკიცე. ყველაზე რთული პირველი 1 კვირა იყო, რადგან სამსახურის გამო ყოველდღიურად მიწევდა მწეველების გარემოში ყოფნა, თუმცა ის ფაქტი, რომ ყოველ ნახევარ საათში დაწყებული სამუშაოს შეწყვეტა და მოსაწევად გასვლა არ მიწევდა დადებითად აღვიქვი და თანდათან ამ ყველაფრის დადებითი კუთხით დანახვა დავიწყე. არავის დავუწყებ იმის მტკიცებას, რომ ეს ერთი წელი ადვილი იყო, მითუმეტეს მოიცავდა ზაფხულს, მე 4 ადამიანთან ერთად ვისვენებდი, ყველა აქტიური მწეველი იყო და მხოლოდ მე მიწევდა ნიკოტინზე უარის თქმა.

ჩემი რჩევა იმ ადამიანებისათვის ვისაც მტკიცედ აქვს გადაწყვეილი სიგარეტისათვის თავის დანებება იქნება შემდეგი : დაუსახეთ საკუთარ თავს ამოცანა და ამ გზით შეძლებთ საკუთარი ნებისყოფის სიმტკიცის შემოწმებას.

ცხოვრება ნიკოტინის გარეშე უფრო ჯანმრთელია ! :)

ასევე მაინტერესებს რამდენი ხართ ისეთი ვისაც თავი გაქვთ დანებებული სიგარეტისათვის?