პარტია გირჩის ლიდერმა ზურაბ ჯაფარიძემ წინასაარჩევნო სარეკლამო კამპანია პოპულარულ პორნოსაიტ PornHub-ზე განათავსა.

„ჩვენთვის მარკეტინგულად მნიშვნელოვანია, რომ ადამიანებს, რომლებიც არიან ჩვენი მხარდამჭერები, ჰქონდეთ მეტი ინფორმაცია, რომ ჩვენ, კონკრეტულად „გირჩი მეტი თავისუფლება“ ვართ 45 ნომერი. მათ შორის, იმის გამო, რომ ჩვენ სხვისი ხმები არ გვინდა. ამისთვის, ყველაზე ხარჯეფექტური სტრატეგიაა ის, რაც გავაკეთეთ. გასაგებია, რომ პორნოსაიტია და არ მესმის, რატომ არის ეს პრობლემა, მაგრამ მაშინ, როდესაც სხვა პარტიები მილიონებს ხარჯავენ ქუჩაში ბანერების გამოკვრით, ამ პორნოგვერდზე, გუშინ, ღამის პირველ საათზე დადებული ბანერი დილით ნანახი ჰქონდა 30 ათასზე მეტ ადამიანს. და ეს სულ 3 დოლარი დაჯდა. ასეთი რეკლამა, რომ სწრაფად და ეფექტურად ამდენ ადამიანთან მიიტანო ინფორმაცია, მე არ ვიცი. ვიღაცეებს შეიძლება, ერიდებათ ეგეთი რაღაცეების გაკეთება, მაგრამ ჩვენ გვირჩევნია, ასეთი იაფი და ზეეფექტური კამპანია ვაწარმოოთ“, -განაცხადა ჯაფარიძემ ტვ-პირველის ეთერში.

პორნოსაიტზე ორი ბანერი დევს: ერთს აწერა „მეტი სექსი, მეტი თავისუფლება“. „მეტი თავისუფლება“ არის გირჩის სლოგანი პრინციპში დაფუძნების დღიდან.

მეორე ბანერზე არის ხუმრობა – „არ გპირდებით ზომის გაზრდას“ “" ხუმრობა ეხება საქართველოში პოლიტიკური პარტიების კანდიდატების არსებულ დაპირებებს, რომ „გაგიზრდით პენსიას, გაგიზრდით სოციალურ დახმარებას”, – განაცხადა ზურა ჯაფარიძემ.