საზოგადოება „შეყვარებული ვარ, თეოს ვერავინ შეცვლის, მაგრამ დამღალა მარტო ყოფნამ“... - გელა დაიაური 2021, 11 ივნისი, 21:59 2010 წლის 22 ივლისს მთელი საქართველო შეძრა და დაამწუხრა მუცოს ხეობაში დატრიალებულმა ტრაგედიამ - „ჯიპის" მარკის ავტომობილი, სადაც 10 ადამიანი იჯდა, გზიდან გადავარდა, ავტოკატასტროფამ 7 ადამიანის, მათ შორის - 3 მცირეწლოვანი ბავშვის სიცოცხლე იმსხვერპლა. მათ შორის იყო პოეტ გელა დაიაურის ოჯახიც. ტრაგედიის შედეგად დაიაურმა ოჯახის წევრები დაკარგა. . დაიღუპნენ პოეტ გელა დაიაურის მეუღლე, ნიჭიერი მომღერალი და პოეტი თეონა ქუმსიაშვილი და მისი ორი ვაჟი - დემეტრე და ჯარჯი, თეონას და - ნათია, გელა დაიაურის მეჯვარე ბერდია არაბული, მისი მეუღლე სოფო ღოღობერიძე და მათი ვაჟი - მამუკა. საუბედუროდ, დემეტრე დაიაური და მამუკა არაბული ადიდებულმა მდინარე არღუნმა გაიტაცა ვერ იპოვნეს. თვითონ გელა დაიაური, თეონას ძმა თორნიკე ქუმსიაშვილი და დაიაურებისა და არაბულების მეგობარი თეონა ჭინჭარაული გადარჩნენ. . პოეტის ცხოვრებაში მუცოს ტრაგედიამ, მეუღლისა და შვილების დაკარგვამ უკვალოდ არ ჩაიარა – მეთერთმეტე წელი გავიდა იმ დღიდან. ამბობს, რომ არის მიზეზები, რაც აძლებინებს ამ ცხოვრებაში. გადაცემაში „ყვითელი ყუთი“ ხუთშაბათს სტუმრად გელა დაიაური ჰყავთ, სადაც ის ცხოვრების მძიმე თემებზე საუბრობს. ის პირად ცხოვრებაზე ხმამაღლა პირველად ალაპარაკდება. როგორც გადაცემის სატელევიზიო ანონსიდან ირკვევა, მუსიკოსი გელა დაიაური მარტოობამ დაღალა. უმძიმესი ტრაგედიიდან 11 წლის შემდეგ გელა დაიაური ღიად, კამერებისა და საზოგადოების წინაშე აცხადებს, რომ შეყვარებულია და ამ კუთხით სერიოზულად ფიქრობს. თუმცა, გელა დაიაური იქვე იმასაც დასძენს, რომ თეონას ვერავინ შეცვლის და შეუძლებელია მის მიერ დატოვებული სიცარიელე მის გულსა და ცხოვრებაში ვინმემ ამოავსოს. თუმცა, ის გულწრფელად საუბრობს იმაზეც, რომ აუტანელი და რთული იყო ამ ტრაგედიის შემდეგ მარტოობის ათწლეული. , . „რაც შეეხება ტრაგედიას: ვფიქრობ, აღარ ვარ ის, ვინც ვიყავი. სიცოცხლის ხალისი დავკარგე. თითქოს გაუთენებელი ღამე ჩამოდგა სულში. ყველაფერი მიხაროდა და მახალისებდა… იმედიანად ვუყურებდი ცხოვრებას. ეს ყველაფერი ჩაკვდა ჩემში. ახლა თუ წავიღიღინებ ან თუ ლექსს წავიკითხავ, მეგობრების ხათრით და უხალისოდ. აი, ეს შეიცვალა ჩემში. - ამბობს დაიაური. 306 შეფასება არ არის
|