მომღერალი გია სურამელაშვილი მისი ვაჟის შესახებ მედიაში გავრცელებულ ბრალდებას უარყოფს და ამტკიცებს, რომ ნუგზარ სურამელაშვილი ქურდული სამყაროს წევრი არ არის. სურამელაშვილის თქმით, ჭორი მას შემდეგ გავრცელდა, რაც მისი შვილი, რამდენიმე დღის წინ საფრანგეთში, ჩეჩნებს შორის დაპირისპირებას შეესწრო, რომელმაც დაპირისპირებული მხარეების გაშველება სცადა, რის შემდეგაც დააკავეს:"ეს იყო ჩვეულებრივი გარჩევა, სადაც სადაც ჩემი შვილი მოხვდა. შეესწრო ამ ამბავს, რომ უბრალოდ ცემა-ტყეპა არ იყო, ხოცავდნენ ერთმანეთს. 2 დღე იჯდა ციხეში, გამოუშვეს, როგორც გამშველებელი, მაგრამ არის რაღაც საშიშროება. ტელეფონზე მომივიდა შეტყობინება - "შენი ქურდი" შვილიო, არავითარი ქურდი არ არის, ეს არის ერთი ვაჟკაცი, კაი ბიჭი, რომელიც კარგად, ლამაზად ცხოვრობს", - განაცხადა გია სურამელაშვილმა "მთავართან" მიცემულ ინტერვიუში. შეგახსენებთ, რომ საფრანგეთის სასამართლომ ნუგზარ სურამელაშვილი თავდებით გაათავისუფლა და პროცესი 19 აპრილს დანიშნა. მომღერალი იმედოვნებს რომ მისი შვილის უდანაშაულობას ფრანგული სასამართლოც დაადასტურებს.